Арассыыйатааҕы судаарыстыбаннай А. И. Герцен аатынан педагогика университета

Арассыыйатааҕы судаарыстыбаннай А. И. Ге́рцен аатынан педагогика университета (нууч. Росси́йский госуда́рственный педагоги́ческий университе́т и́м. А. И. Ге́рцена, РГПУ им. А.И. Герцена) — Санкт-Петербуурга баар Арассыыйа биир бастыҥ педогогика кыһаларыттан биирдэстэрэ. 2011 сыллаахтан толору нууччалыы аата маннык — Федеральное государственное бюджетное образовательное учреждение высшего профессионального образования «Российский государственный педагогический университет им. А. И. Герцена».

Устуоруйатын 1797 сыллаахтан, Павел I саҕаттан ааҕаллар. Ол эрээри 1918 сыллаахха диэри стаатуһа Иитэр дьиэ (Воспитательный дом) этэ. Онон үрдүк үөрэх кыһатын быһыытынан устуоруйата 1918 сыллаахха саҕаламмыта. Ол сыл Наркомпрос бирикээһинэн Үһүс Петроградтааҕы педагогика институтуута буолбута. 1920 сыллаахха институут А. И. Герцен аатын сүкпүтэ. 1922—23 сс. 1-кы уонна 3-с педагогика институуттара холбоһоннор Ленинградтааҕы судаарыстыбаннай А. И. Герцен аатынан педагогика институута (ЛГПИ) буолбуттара. 1957 сыллаахха институукка Ленинграадтааҕы М. Н. Покровскай аатынан педагогика институута холбоммута.

1991 сыл тохсунньу 21 күнүгэр А. И. Герцен аатынан ЛГПИ университет буолбута.