Барашков Сэмэн Петрович

Барашков Сэмэн Петрович (1876—22.02.1921) — эргинээччи, меценат.

Барашков Сэмэн Петрович

Арҕаа Хаҥалас улууһун Хачыкаат нэһилиэк олохтооҕо.

Көмүс хостуур бириискэлэри аһылыгынан хааччыйан байбыт киһи.

Нэһилиэгэр бурдук ыһар уонна ынах-сүөһүну, сылгыны, сибиинньэни иитэр этэ. Бириискэлэргэ тиийэн эргинэр этэ.

Бэйэтин хаһаайыстыбатыгар аныгылыы техниканы туттубута: ат уонна паар көлөлөөх молотилканы, тимир сири хорутар малы. Дьиэтигэр электричествоны киллэрбитэ.

Нэһилиэгэр оскуоланы уонна балыыһаны тутан биэрбитэ. 1916 сыллаахха И. А. Тимофеевы кытта улахан оскуола дьиэтин турарга соруммута, дьиэни электричествонан уонна мебелинэн хааччыйыах буолбута.

Ону таһынан Дьокуускайга икки мэндиэмэннээх дьадаҥылэр оҕолорун пансионын тутуох буолбута. Ити тутуулары 1920 сыллаахха бүтэрэргэ соруммута.

1912 сылга станиславскай лиэнтэҕэ үрүҥ көмүс мэдээлинэн наҕараадаламмыта. 1910—1912 сыллардаахха кини дьэтигэр учууталынан А. Е. Кулаковскай үлэлээбитэ.

1921 сыл олунньу 22 күнүгэр 35 киһи иһигэр «сэбиэскэй былааһы утары барбытын иһин» ытан өлөрбүттэрэ.


СигэлэрУларыт

«Энциклопедия Якутии». — М., 2000.