Бастакы бүтүн Саха сиринээҕи спартакиада

Бастакы бүтүн Саха сиринээҕи спартакиада — 1932 сыллаахха от ыйын 8-12 күннэригэр Дьокуускайга ыытыллыбыт күрэхтэһии. Саха АССР тэриллибитэ 10 сылыгар анаммыт.

9 оройуонтан 214 киһи кыттыыны ылбыт. Олортон 68 холкуостаахтар, 73 оробуочайдар эбит. 25 дьахтар, 63 саха кыттыбыта бэлиэтэммит. Алдан, Томмот, Өлүөхүмэ, Мэҥэ-Хаҥалас уонна Арҕаа Хаҥалас оруйуоннарын, Саҥыйахтаах уонна Дьокуускай сүүмэрдэммит хамаандалара күрэхтэспиттэр. туспа хамаанданалары ону таһынан "Динамо" уонна ЯНВШ туруорбуттар.

Спартакиада программатыгар атын күрэхтэһиилэри кытта ол саҕана саҥа киирбит ГТО көрүҥнэрэ киирбиттэр: сүүрүү, ыстаҥа, граанта быраҕааһын, противогазтаах хаамыы, харбааһын, тимрэн эрэр киһини быыһааһын, вышкаттан ууга ыстаныы, ат сүүрдүүтэ, спорт национальнай көрүҥнэрэ, футбол, баскетбол, хараҥкы, бинтиэпкэннэн ытыы уонна бэлэсипиэтинэн куоталаһыы.

Бастаан ккыттааччылар Дьокуускай киин уулуссаларынан параадтаан ааспыттар, ЯНВШ аттыгар мустан стройдаабыттар, онтон Октябрьскай (билигин Ленин проспега) Киров уулуссаларынан хааман стадиоҥҥа тиийбиттэр. Күн аайы стадион толору эбит, уоннуу тыһыынча ыалдьааччы кэлэн көрбүт.

Уопсай хамаанданнан түмүк таһаарыллыбатах эрээри, сорохтор суруйалларынан, күрэххэ спартакиада кыайыылааҕынан Алдан куорат хамаандата буолбут.

Чөмпүйүөннэр:

• Кылыы — П. Сидоров (Дьокуускай)
• Ыстаҥа — Жирков (Дьокуускай)
• Куобах — Ксенофонтов (Мэҥэ Хаҥалас)
• Хапсаҕай — Слепцов (Мэҥэ Хаҥалас)

Бу кэмтэн национальнай спорт көрүҥнэрэ ыһыахха оонньонор буолбуттара.

Туһаныллыбыт сир

• Якутия : хроника, факты и события / А. А. Калашников. – Дьокуускай, 2004. – Ч. 2. 1917-1953. - С. 134.