Борисов Александр Ильич

Борисов Александр Ильич (1960-2019) — СӨ судаарыстыба уонна түмэт дьайыксыта, П.И. Дудкин аатынан СӨ Судаарыстыбаннай бириэмийэтин лауреата, СӨ сибээһин үтүөлээх үлэһитэ.

Орджоникидзе оройуонун Төхтүр сэлиэнньэтигэр 1960 с. атырдьах ыйын 3 күнүгэр төрөөбүтэ. Аҕата "Өктөм" сопхуос оробуочайа, ийэтэ - Төхтүрдээҕи ФАП биэксэлэ.

1977 сыллаахха Покровскай орто оскуолатын бүтэрэн баран СГУ физфагар үөрэххэ киирбитэ уонна 1982 с. бүтэрбитэ. 1983-1990 сс. САССР производственнай-иехническэй сибээс управлениятыгар (ПТУС) инженеринэн үлэлээбитэ. 1990 с. Өрөспүүбүлүкэтээҕи радиотелевизионнай передающай киин (РТПЦ) кылаабынай инженерынан анаммыта. Онтон 1992 с. начальник бастакы солбуйааччытынан анаммыта. Кини салалтатынан өрөспүүбүлүкэ тэлэбиидэнньэтин биэриилэрэ спутник нөҥүө тарҕатыллар буолбуттара, бу Арассыыйа регионнарын тэлбиидэнньэлэриттэн бастакыннан олоххо киирбитэ.

1995 с. саҥа тэриллибит "Сахателеком" Дьокуускайдааҕы радиотелевизионнай киинин (ртц) дириэктэринэн анаммыта. Биир сылынан СӨ "ТЦТР" ГУП генеральнай дириэктэринэн анаммыта. Бу сылларга саҥа дьиэ тутттаран, саҥа аппаратура туруортаран 2003 с. өрөспүүбүлүкэ тэлбиидэнньэтэ бүтүннүү цифровой стандарка көспүтэ. 2004 с. эбии 255 ыстаансыйа олоххо киирэн өрөспүүбүлүкэ тэлэбиидэнньэтэ нэһилиэнньэни хабыыта 99,5% диэри улааппыта.


2010 сыл бэс ыйыгар СӨ бырабыыталыстыбатын бэрэстээтэлин солбуйааччытынан анаммыта, сибээс, информация ньыматыгын сайдыытын уонна электрон бырабыыталыстыбаны олоххо киллэрии боппуруостарын быһаарыыны салайара. 2014 с. алтынньытыгар сибээс уонна информация ньыматыгын министирининэн анаммыта.

"Охота и рыбалка в Якутии" диэн тэлэбиидэнньэ биэриитин ааптара. Бу биэрии аан дойду кэккэ дойдуларыгар көстөр этэ (СНГ, Балтия, Грузия, Ближнэй Восток, Киин уонна Илин Европа)[1].

Быһаарыылар уларыт

  1. Борисов Александр Ильич (1960-2019) 60 лет со дня рождения // Якутия-2020, Календарь знаменательных и памятных дат. — Дьокуускай: Бичик, 2020. — С. 121-125. — 176 с.