Васильев Семён Митрофанович

Семён Митрофанович Васильев
	Семён Митрофанович Васильев
Үлэтэ:	суруналыыс, «Мир» карьер экскаваторщига
Төрөөбүт күнэ:	15 олунньу 1917
Төрөөбүт сирэ:	Иккис Чочу нэһилиэгэ, Орто Бүлүү улууһа
Дойдута:	Россия империята → ССРС → Арассыыйа
Өлбүт күнэ:	1997

Васильев Семён Митрофанович (15.02.1917—1997) — Социалистыы Үлэ Дьоруойа, суруналыыс, экскаваторщик.

Бикипиэдьийэҕэ маннык араспаанньалаах дьон туһунан ыстатыйалар бааллар, көр Васильев.

Олоҕун олуктара

1917 сыллаахха олунньу 15 күнүгэр Бүлүү оройуонун Иккис Чочу нэһилиэгэр бааһынай дьиэ кэргэнигэр төрөөбүт^[1]. Аҕата Маачас Баһылай уола Петров Митрофан Васильевич, болуотунньук бэрдэ, киэҥ сиринэн сылдьар булчут эбит. Ийэтэ Бөкчөҥөө нэһилиэгэр олорбут Мандаров Кузьма улахан кыыһа Ирина Кузьминична Мандарова. Чинэкэ күөл илин баһыгар хатыҥ тумуһахха ампаар дьиэни туттан олорбуттар. Аҕата 1926 с. испанкаҕа ылларан ыам ыйын саҥатыгар өлбүт, кэргэнэ 5 оҕолоох хаалбыт. Сэмэн иккис оҕо.

Хампа орто оскуолатын бүтэрбит. Сэрии буолуо биир сыл иннинэ Сэмэн Өлөөн оройуонугар норуот хаһаайыстыбатын учуоттуур управленетыгар анаммыт, ийэтин уонна икки кыра балтыларын көһөрөн ылбыт, быраата Иннокентий эмиэ онно учууталынан ананан бииргэ олорбуттар. 1944 сыллаахха ийэлэрэ ыалдьан өлбүт. Уһук хоту оруйуоннарыттан сэриигэ ылбаттар этэ, ол эрээри Сэмэни Дьокуускайга райком кууруска ыыппыт, ону бүтэрээтин кытта военкоматтар аармыйаҕа ылбыттар^[2].

1945—1946 сс. Кыһыл Аармыйа кэккэтигэр Уһук Илин сулууспалаабыт, Японияны утары сэриигэ кыттыбыт. Сэрииттэн 1946 сыллаахха дойдутугар төннүбүт.

1946—1956 сс. «Кыым» хаһыат редакциятын аппаратыгар үлэлээбит.

1949 сыллаахха Новосибирскайдааҕы партийнай оскуолаҕа үөрэммит.

1956—1958 сс. ССКП Орто Халыматааҕы райкомун секретарынан үлэлээбит.

1959 с. Мирнэйгэ «Кыым» хаһыат корреспонденынан үлэлээбит.

1960 сыл тохсунньутуттан «Якуталмаз» тэрилтэтигэр үлэҕэ киирбит. 1961—1967 сс. «Мир» карьерга ЭКГ-4 экскаватор машиниһынан үлэлээбит. Экскаватор биригээдэлэрэ хас да сыл кэккэ «Якуталмаз» трест үрдүнэн муҥутуур үрдүк ситиһиилэри көрдөрбүт.

Сыралаах үлэтэ сыаналанан, ССРС Үрдүкү Сүбэтин Президиумун 1964 сыл тохсунньу 24 күнүнээҕи Ыйааҕынан Семён Митрофанович Васильевка Социалистическай Үлэ Геройун аата иҥэриллибит.

Дьокуускайга олорон 1997 сыллаахха 80 сааһыгар өлбүт.

Бииргэ төрөөбүттэрэ

Евдокия Митрофановна (1916-1999)
Иннокентий Митрофанович
Мария Митрофановна (1922-1963)
Степанида Митрофановна Васильева, РСФСР, САССР үтүөлээх бырааһа
Софья Сидоровна Васильева (аҕалара тус туһунаннар, ол эрээри, Семен Митрофанович, кыыс аҕата өлбүтүн кэннэ балтыгар Васильева диэн араспаанньаны бэрдэрбит), Якутгоршвейбыт дириэктэрэ этэ.

Наҕараадалара уонна ытык ааттара

Социалистическай Үлэ Геройа (1964)^[3]
Ленин уордьана (1964)
«Аҕа дойду Улуу сэриитигэр 1941-1945 сс. Кыайыы сүүрбэ сыла» мэтээл
«Японияны кыайыы иһин» мэтээл
«Аҕа дойду сэриитигэр 1941—1945 сс. килбиэннээх үлэ иһин» мэтээл
РСФСР Үрдүкү Сүбэтин Президиумун Ытык грамотата
Бүлүү улууһун ытык киһитэ^[4]

Аатын үйэтитии

С. М. Васильев аата Бүлүү улууһун Чернышевскай орто оскуолатыгар иҥэриллибит (2006)^[5] .
Мирнэй куорат Московская уулуссатын 8 №-дээх дьиэтин эркинигэр өйдөбүнньүк бэлиэ туруоруллубут.

Өссө маны көр

Социалистическай Үлэ Геройдарын тиһигэ (Саха Сирэ)

Сигэлэр

Герои страны
Васильев Семён Митрофанович// Энциклопедия ЯСИА
Герои Социалистического Труда Якутской АССР: биобиблиогр. справ. — Якутск, 1987. — С. 36—38.
Васильев Семен Митрофанович / Н. А. Крылов — Дьокуускай: Сайдам, 2017. — 208 с. 2000 экз.

Быһаарыылар

↑ Официальный информационный портал Республики Саха (Якутия): Чернышевский наслег: Географическая и историческая справка о наслеге
↑ Крылов Н.А. Васильев Семен Митрофанович. — Дьокуускай: Сайдам, 2017. — С. 13-20. — 208 с. — 2000 экз. — ISBN 978-5-905869-18-1
↑ Официальный информационный портал Республики Саха (Якутия): Герои Социалистического Труда
↑ Официальный информационный портал Республики Саха (Якутия): Вилюйский улус: Почетные граждане, известные люди района Архыыптаммыт 2012, Бэс ыйын 28 күнүгэр.
↑ Указ Президента РС(Я) от 12.12.2006 № 3095 «О присвоении имени Семена Митрофановича Васильева муниципальному образовательному учреждению „Чернышевская средняя общеобразовательная школа“ муниципального образования „Вилюйский улус (район)“». — Газета «Якутия». — № 232 — 14.12.2006

[1] Официальный информационный портал Республики Саха (Якутия): Чернышевский наслег: Географическая и историческая справка о наслеге

[2] Крылов Н.А. Васильев Семен Митрофанович. — Дьокуускай: Сайдам, 2017. — С. 13-20. — 208 с. — 2000 экз. — ISBN 978-5-905869-18-1

[3] Официальный информационный портал Республики Саха (Якутия): Герои Социалистического Труда

[4] Официальный информационный портал Республики Саха (Якутия): Вилюйский улус: Почетные граждане, известные люди района Архыыптаммыт 2012, Бэс ыйын 28 күнүгэр.

[5] Указ Президента РС(Я) от 12.12.2006 № 3095 «О присвоении имени Семена Митрофановича Васильева муниципальному образовательному учреждению „Чернышевская средняя общеобразовательная школа“ муниципального образования „Вилюйский улус (район)“». — Газета «Якутия». — № 232 — 14.12.2006

[1]

[2]

[3]

[4]

[5]