Готовцев Михаил Николаевич
Гото́вцев Михаи́л Никола́евич (төр. 02.01.1946, Байаҕантай нэһилиэгэ, Уус-Алдан улууһа) — «Удьуор» бааһынай хаһаайыстыба баһылыга. Российскай Федерация Үлэтин Геройа (2014). Үлэ Албан аатын уордьанын толору кавалера. Саха Өрөспүүбүлүкэтин ытык киһитэ.
| Михаил Николаевич Готовцев | |||||
 | |||||
| Үлэтэ: |
«Удьуор» бааһынай хаһаайыстыба баһылыга | ||||
|---|---|---|---|---|---|
| Төрөөбүт күнэ: |
2 тохсунньу 1946 (78 саастаах) | ||||
| Төрөөбүт сирэ: | |||||
| Дойдута: | |||||
| Наҕараадалара: |
| ||||
Олоҕун олуктара
уларыт1946 сыл тохсунньу 2 күнүгэр Уус-Алдан улууһун Байаҕантай нэһилиэгэр Ыарҕа диэн сайылыкка төрөөбүт. Танда орто оскуолатын бүтэрэн баран, комсомол ыҥырыытынан Герой Егоров аатынан совхоз «Мечта» диэн ферматыгар ыанньыксыттаабыт. Фермаҕа биэс сыл үлэлээн баран, Ленинградтааҕы ветеринарнай институтка үөрэнэ киирбит. Институтка 3 эрэ сыл үөрэммит, ыалдьан үөрэҕин салҕаабатах. Ол кэннэ дойдутугар кэлэн салгыы ыанньыксыттаабыт.
1984 сылтан саҕалаан республикаҕа ыытыллар тыа хаһаайыстыбатын быыстапкаларыгар кыттар, кини ииппит сүөһүлэрэ хас да төгүл үрдүк наҕараадалары ылбыттар. 200-н тахса төбө боруода сүөһүнү республика атын улуустарыгар анаан ииппит.
1984 сыллаахха биир ынахтан 5305 кг үүтү ыабыт. Үлэҕэ үрдүк көрдөрүүлэрин иһин «Үлэ Албан аата» уордьан үс степеннэринэн наҕараадаланан, бу уордьан толору кавалера буолбут.
1994 сыллаахха аймахтарын кытта «Удьуор» бааһынай хаһаайыстыбаны тэрийэн үлэлиир. Хаһаайыстыба 3 үлэһиттээх, 132 гектар сирдээх, биир МТЗ‑82 трактордаах.
Россия Президенин 2014 сыл муус устар 20 күнүнээҕи Ыйааҕынан, өр сыллаах сыралаах үлэтэ үрдүктүк сыаналанан, Россия Федерациятын Үлэтин Геройун аата иҥэриллибит.[1]
Наҕараадалара уонна ытык ааттара
уларыт- Российскай Федерация Үлэтин Геройа
- Үлэ Албан аатын уордьанын толору кавалера
- Саха Өрөспүүбүлүкэтин норуотун хаһаайыстыбатын үтүөлээх үлэһитэ
- Ю. Н. Прокопьев аатынан бириэмийэ лауреата
- Саха Өрөспүүбүлүкэтин ытык киһитэ (2013)[2][3]
- Уус-Алдан улууһун ытык киһитэ
Быһаарыылар
уларыт- ↑ Указ Президента Российской Федерации от 20 апреля 2014 года № 257 «О присвоении звания Героя Труда Российской Федерации»(нууч.). Сайт Президента России.
- ↑ Официальный информационный портал Республики Саха (Якутия): Почетные граждане Республики Саха (Якутия)
- ↑ О присвоении почетного звания «Почетный гражданин Республики Саха (Якутия)» Готовцеву М. Н.
Сигэлэр
уларыт- О присвоении почетного звания «Почетный гражданин Республики Саха (Якутия)» Готовцеву М. Н.
- Якутянин Михаил Готовцев стал Героем Труда России(нууч.). Официальный информационный портал Республики Саха (Якутия). Тургутулунна 24 Кулун тутар 2014.
- Раиса Сибирякова. Михаил Готовцев — Үлэ Геройа // «Саха Сирэ» хаһыат. — 22.04.2014.
- Саргылана Данилова. Михаил Готовцев: «Работящему человеку сегодня предоставляются большие возможности» (в пер.) // Газета «Саха Сирэ». — 27.04.2013.