Григорьев Иван Константинович

Григорьев Иван Константинович — Моочой — хапсаҕай тустууга Саха АССР спордун маастара, спортивнай самбоҕа маастарга кандидат. Тустуу алта көрүҥэр чемпион уонна призер. "Динамо" общество иһинэн буолбут спортивнай самбоҕа 5 сыл субуруччу бастаабыта. 1927 сыллаахха Үөһээ Бүлүү Оҥхойугар төрөөбүтэ.

Ситиһиилэрэ

1949 с. Советскай Армия кэккэтигэр ыҥырыллан Южно-Сахалинскайга сулууспалыыр. Сулууспатын кэмигэр Москваҕа 3 ыйдаах боевой самбо инструкторын курсугар үөрэнэр. 1950 с. кэриэйдэр национальнай тустууларыгар бастыыр.
1953 с. Ис Дьыала Министерствотыгар инструкторынан үлэҕэ киирэр.
1954 с. Республикаҕа ыытыллыбыт хапсаҕайдаһан тустууга III миэстэ буолар.
1955-1956 сылларга Якутскайга хапсаҕайдаһан тустууга II миэстэ буолуталыыр.
1957-1961 сылларга хапсаҕайга Республика чемпиона.
1957-1967 сылларга Махачкала куоракка классическай тустууга призердаабыта.
1961 с. Саха АССР спордун маастарын нуорматын толорбута.
1961 с. спортивнай самбоҕа маастарга кандидат нуорматын толорбут. Орджоникидзе куоракка спорттивнай самбоҕа бастыыр иһин күрэхтэһиигэ III миэстэ буолар. Баку куоракка көҥүл тустууга IV миэстэ буолар.
1962 с. Махачкала куоракка көҥүл тустууга III миэстэ буолар.
1963 с. Петропавловскай куоракка коряктыы тустууга чемпион аатын ылар.
1964 с. Улан-Удэ куоракка буряттар национальнай тустууларыгар чемпионнуур.

Быһаарыылар

Ылыллыбыт сирэ

Оҥхой нэһилиэгэ. Дьокуускай, 2007