Сибель Джан (тур. Sibel Can, төрөөбүтүнэн Сибель Джангюре, Sibel Cangüre; 1970 сыллаахха атырдьах ыйын 1 күнүгэр төрөөбүтэ, Турция, Стамбул) — турок биллэр ырыаһыта, үҥүүһүтэ, киинэ артыыһа.

Олоҕо уонна айар үлэтэУларыт

Сибель Джан Энгин Джангюре диэн скрипач киһи дьиэ кэргэнигэр бастакы оҕонон төрөөбүтэ. Сибель аҕата турок үгүс биллэр ырыаһытагар аккомпаниатордаабыта. Кыысчаан 14 сааһыттан саҕалаан биил үҥкүүһүтүн быһыытынан артыыстыыр карьератын саҕалаабыта. Үҥкүүһүт быһыытынан аҕатын кэнсиэрдэригэр Турция куораттарынан гостуруоллуур. Кини турция элитата сылдьар, улахан билиилээк Галата-Тауэр уонна Астория курдук кулууптарга үҥкүүлүүр. 17 саастааҕарНюкхет Дуру уонна Фахреттин Арслан диэн ырыаһыттары казиноҕа арыаллаабыта. Ол кэнниттэн кини Максим кэлин тиһэҕэр үлэҕэ киирбитэ уонна Муаззез Абаджы, Неше Карабёджек уонна Эмель Сайин толорооччулары кытта кэнсиэрдээбитэ.

1984 сыллаахха кини аан бастакы «Günah Bize» диэн ааттаах ырыаларын альбомун таһаарар. Альбомун Kervan Plak фирмаҕа таһаартарбыта. Диискэтин оҥороругар Сибель турция классика буолбут ырыаларын айбыт Орхан Генджебай көмөлөспүтэ.

1988 сыллаахха Сибель Джан Стамбул куоракка Максим казиноҕа тус кэнсиэрдэрин көрдөрөн саҕалыыр.

2000 сыллаахха кини İşte Türk Sanat Müziği İşte Sibel Can. диэн ааттаах саҥа альбома күн сирин көрөр.

2002 сыллаахха кини «Papatya ile Karabiber» диэн ааттаах уус уран киинэҕэ сүрүн оруолу оонньуур.

Сибель Джан 1988 сыллаахха Хакан Уралга ойох тахсыбыта, кинилэр Энгинджан уонна Мелиса диэн икки оҕоломмуттара. Ыаллар 1999 сыллаахха арахсыбыттара. Ити кэннэ сотору буолан баран Сулхи Аксютка эргэ тахсыбыта. 2001 сыллаахха Эмир диэн уоламмыттара. 2010 сыллаахха Сибель уонна Сулхи арахсыбыттара.

ДискографиятаУларыт

АльбомнараУларыт

  • Günah Bize (1987)
  • Bulursun Beni (1988)
  • Rüyalarda Buluşuruz (1989)
  • Hasretim (1990)
  • Bir Güneş Batışında (1991)
  • Seni Sevmek (1992)
  • Hayat Devam Ediyor (1993) Орхан Генджебайдыын
  • Hatirasidir (1994)
  • Şarkılar Senden Yana (1995)
  • Bu Devirde (1997)
  • Daha Yolun Basindayim (2000)
  • İşte Türk Sanat Müziği (2000)
  • Canim Benim (2001)
  • Sen Benimsin (2003)
  • Özledin Mi? (2005)
  • Akşam Sefası (2007)
  • Benim Adım Aşk (2009)
  • Seyyah (2011)
  • Meşk (2012)
  • Galata (2014)
  • Arabesque (2016)
  • Yeni Aşkım (2018)

СигэлэрУларыт

 

БэлиэтээһиннэрУларыт