Дионисий (Хитров Дмитрий Васильевич)

Дионисий (Хитров Дмитрий Васильевич) (1818-1896) - Дьокуускай уонна Бүлүү бастакы епискоба, архиепископ Иннокентий (Вениаминов) үөрэнээччитэ.

1841 с. Дьокуускайга Градо-Якутскай Преображенскай таҥара дьиэтигэр сулууспатын саҕалаабыт, 1844 с. походнай таҥара дьиэлэр аҕабыыттара. 1851 с. Синод миссионер аатын иҥэрбит. 1862 с. Дьокуускайдааҕы духовнай семинария ректора. Лингвист быһыытынан Император иһинэн география уопсастыбатын чилиэнэ эбит. Саха тылын, үгэстэрин үөрэппит, сахалыы азбука уонна саха тылын грамматикатын суруйбут, библияны тылбаастыыр кэмитиэт тойоно эбит.

1870-1884 сс. Дьокуускай уонна Бүлүү епискоба. Онтон Уфаҕа көһөрүллэн Уфа уонна Мезелин епискоба буолан олорон өлбүт. Уфаҕа олорор кэмигэр Кэт Марсден диэн араҥ ыарыыны үөрэтэр Англия дьахтарыгар Саха сирин ыйан ыыппыт.

Кини кэнниттэн Дьокуускай уонна Бүлүү епискобынан Иаков (Домскай Иероним Петрович) буолбут.