Достовалов Семён Васильевич
Достовалов Семён Васильевич (1919, Бянкино д., Чита уобалаһа — 24.09.1944, Польша) — кыһыл армеец, Аҕа дойду Улуу сэриитин кыттыылааҕа, Сэбиэскэй Сойуус Дьоруойа (1945).
| Достовалов Семён Васильевич | |||||
| Төрөөбүт күнэ | |||||
|---|---|---|---|---|---|
| Төрөөбүт сирэ |
Бянкино д., Нерчинскэй оройуон, Чита уобалаһа, Россия империята | ||||
| Өлбүт күнэ | |||||
| Өлбүт сирэ |
Габуре с., Польша | ||||
| Сулууспалаабыт дойдута | |||||
| Сулууспалаабыт сыллара |
1942—1944 | ||||
| Солото |
 | ||||
| Чааһа |
900-с ГСП, 242-с ГСД | ||||
| Кыргыһыылар/сэриилэр | |||||
| Наҕараадалара |
| ||||
Олоҕун олуктара
уларыт1919 сыллаахха Бянкино дэриэбинэҕэ (билиҥҥи Чита уобалаһа, Нерчинскэй оройуон) бааһынай дьиэ кэргэнигэр төрөөбүт.
Алдаҥҥа көмүс хостуур приискаларга горнягынан үлэлээбит.
1942 сыл муус устарыгар Алдан оройуонун военкоматынан Кыһыл Аармыйаҕа ыҥырыллыбыт.
1944 сыл тохсунньутуттан Аҕа дойду Улуу сэриитигэр кыттыспыт. Кырыымнааҕы кыргыһыыга, Украинаны уонна Польшаны босхолооһуҥҥа кыттыбыт.
1944 сыл балаҕан ыйыгар 900-с горнострелковай полк пулеметчигынан сылдьыбыт. Дуклин аартыгын саба көтөн киирээһиҥҥэ хорсун быһыыта бэлиэтэммит.
1944 сыл балаҕан ыйын 22 күнүгэр Ясель диэн нэһилиэнньэлээх пункт аттыгар кыргыһыыга Достовалов расчёта пулемет уотунан өстөөх элбэх саллааттарын, офицердарын кыргыбыт.
Балаҕан ыйын 24 күнүгэр өстөөхтөр контратакаларын тэйитии кэмигэр Достовалов расчёта 60 өстөөх саллаатын уонна офицерын эһэрбит, өстөөх ылбыт үс сэбиэскэй противотанковай орудиетын көмүскээн ылбыт.
С. В. Достовалов 1944 сыл балаҕан ыйын 24 күнүгэр Габуре (Польша?) нэһилиэнньэлээх пуун аттыгар кыргыһыы хонуутугар өлбүт, көмүллүбүт сирэ биллибэт[1].
ССРС Үрдүкү Сүбэтин Президиумун 1945 сыл кулун тутар 24 күнүнээҕи Ыйааҕынан бойобуой сорудахтары уһулуччулаахтык толорорун, көрдөрбүт хорсун, геройдуу быһыытын иһин кыһыл армеец Семён Достоваловка өлбүтүн кэннэ Сэбиэскэй Сойуус Дьоруойун аата иҥэриллибитэ.
Наҕараадалара
уларыт- «Кыһыл көмүс Сулус» мэтээл (24.03.1945)[2][3]
- Ленин уордьана (24.03.1945)
- Аҕа дойду сэриитин I ст. уордьана (28.10.1944)[4]
- «Хорсунун иһин» мэтээл (1944)
Аатын үйэтитии
уларытГерой аатынан Нерчинск куоракка уулуусса ааттаммыт, өйдөбүнньүк туруоруллубут.
Быһаарыылар
уларыт- ↑ Информация в электронном банке документов ОБД «Мемориал»
- ↑ Наградные документы в электронном банке документов «Подвиг Народа»
- ↑ Наградные документы в электронном банке документов «Подвиг Народа»
- ↑ Наградные документы в электронном банке документов «Подвиг Народа»
Сигэлэр
уларыт
Достовалов Семён Васильевич. Cитим-сир «Герои Страны».