Иванов Павел Никандрович

Иванов Павел Никандрович (30.08.1906—28.10.2002) — Социалистическай Үлэ Геройа.

Олоҕун олуктараУларыт

1906 сыллаахха атырдьах ыйын 30 күнүгэр Несь с. (билигин — Архангельскай уобалас Ненецкэй национальнай уокуругун Канино-Тиманскай оройуонугар) төрөөбүт.
28 сааһыгар Ленинградтааҕы уу транспорын инженердарын институтугар туттарсан киирбит, үөрэҕин бүтэрэн инженер-гидротехник дипломын ылбыт. Үлэтин идэтинэн Печоратааҕы бассейновай Управлениеҕа саҕалаабыт, биир сылынан Управление начальнига буола үүммүт, сэттэ сылынан — Печоратааҕы өрүс пароходствотын начальнига буолар.
1954 сыл ахсынньытыгар П. Н. Ивановы Өлүөнэтээҕи өрүс пароходствотын начальнигынан ананар.
Сэттэ сыл (1958—1965 сс.) көрдөрүүлэринэн Өлүөнэтээҕи өрүс пароходствота «Үлэ Кыһыл Знамятын» уордьанынан наҕараадаламмыта.

Өрүс транспорын сайдыытын былаанын сэттэ сыллааҕы сорудахтарын болдьоҕун иннинэ толоруутун, үрдүк ситиһиилэрин иһин ССРС Үрдүкү Сүбэтин Президиумун 1966 сыл балаҕан ыйын 14 күнүнээҕи Ыйааҕынан Иванов Павел Никандровичка Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

П. Н. Иванов Өлүөнэтээҕи өрүс пароходствотын 1969 сыллаахха дылы салайбыт.
1969 сыллаахха пенсияҕа тахсан, Саха Сириттэн барбыт. Ростов-на-Дону куоракка олорбута.
2002 сыл алтынньы 28 күнүгэр өлбүт. Ростов-на-Дону Хоту кылабыыһатыгар көмүллүбүт.

Наҕараадалара уонна ытык ааттараУларыт

  • Социалистическай Үлэ Геройа[1] (1966)
  • Ленин уордьана
  • «Үлэ Кыһыл Знамят»а уордьан
  • «Бочуот Знага» уордьан

Өссө маны көрУларыт

Социалистическай Үлэ Геройдарын тиһигэ (Саха Сирэ)

БыһаарыыларУларыт

СигэлэрУларыт