ЛОРП

Өлүөнэтээҕи Холбоһуктаах Өрүс Пароходствота
Көрүҥэ	Уратыта Аhыллыылаах хампаанньа
Тэриллибитэ	1894
Штаб-квартира	: Дьокуускай (Арассыыйа);
Тутаах дьоно	Ларионов Сергей Александрович ; Емельянов Сергей Витальевич
Индустрията	уу траспора
Барыhа	3206 мөл. солк (2013 сыл. РСБУ)
Уэбсайта	www.lorp.ru

Өлүөнэтээҕи Холбоһуктаах Өрүс Пароходствота (нуучч. Ленское объединенное Речное пароходство), Өлүөнэ, Дьааҥы, Индигир, Халыма өрүстэргэ уонна тардыыларыгар баар салааларыгар өрүһүнэн таһаҕас уонна пассажирдары тиэйэр транспорт компанията.

Устуоруйаттан

1861 сыллаахха Өлүөнэҕэ «Святой Тихон Задонский» диэн маҥнайгы 1858 сыллаахха тутуллубут борохуот кэлбитэ.
1878 сыллаахха Швецияттан Хотугу муора суолунан А. Норденшельд экспедициятын кытары «Лена» борохуот кэлбитэ.
1888 сыл ахсынньы 23 күнүгэр Н. Е. Глотов, Нижнеудинскай атыыһыта Өлүөнэҕэ почтаны уонна пассажирдары таһар компанияны олохтуохха диэн казеннай тэрилтэлэргэ тыл уурбут.
1894 сыл олунньу 14 (27) күнүгэр Александр III ыраахтааҕы Усть Куттан Дьокуускайга диэри пароходство тэрийэргэ диэн уураах ылбыт.
1894 сыл навигациятыгар Өлүөнэҕэ уонна Витиимҥэ 15 борохуот үлэлээбиттэрэ: "Гонец", "Св. Иннокентий", "Тихон Задонский», "Генерал Синельников" Сибиряков уонна Базанов Өлүөнэ-Витиим пароходстволарыгар, "Якут", "Пермяк", "Витим", "Опыт" — Н. Е. Глотова чааһынай пароходствотыгар, "Быстрый», "Борец", "Михаил" — И. И. Минеев чааһынай пароходствотыгар, "Константин" Тетерин уонна Кузнецов, "Николай" Дмитриевтар уонна "Лена", "Громов" А. И. Громова фирматыгар.
1909 сыл ыам ыйын 19 күнүгэр өссө биир пароходство төрүттэммитэ — А. И. Громованы кытары Дьокуускайтан Өлүөнэ төрдүгэр Булуҥҥа диэри таһаҕаһы таһарга сөбүлээһии илии баттаммыта.
1909 сыллаахха «Ленского золотопромышленного товарищества» диэн пароходство үөскүр. Кыраныысса таһыгар сакаастаммыт борохуоттар кэлэллэр: «Барон Гораций Гинцбург», «Карл Винберг», «Альфред», ону таһынан тимир баржалвр кэлэллэр.
1912 сыллааҕы түбэлтэ кэмигэр 40 борохуот үлэлиирэ, Глотов компаниятыгар 11 борохуот баара. Расписание быһыытынан Усть Куттан Дьокуускайга диэри нэдиэлэҕэ икки рейс сылдьар этэ. Аара 17 тарифнай пуун баара, Айан таҥнары 11 суткаҕа, өрө 16 суткаҕа тэҥнэһэр этэ.
1920 сыллаахха Өлүөнэ флота национализацияламмыта. Барыта 25 борохуот национализацияламмыта. уопсай күүстэрэ 5000 а.к. уонна 123 баржа, уопсай уйумтуота 24557 т.
1920 сыл навигациятыгар 20,8 тыһ. т таһаҕас тиэллибитэ, 1917 сыл таһымыттан 30% тиийбитэ.
1923 сыллаахха «Якутское пароходство» («ЯкПар»), тэриллибитэ. Кини саҥа үөскээбит Саха Өрөспүүбүлүкэтин интиниэһигэр үлэлээбитэ. «ЯкПар» борохуотттара Алдан өрүскэ уонна Өлүөнэ алын тардыытыгар үлэлээбитэ.
1928 сыллаахха «Полярная звезда» диэн парустаах уонна мотордаах аал Дьокуускайтан Халыма төрдүгэр дылы барбыта.
1931 сыллаахха «Дальстрой» трест наадатыгар Халымаҕа «Ленин» диэн буксир барбыта. 1932 сыллаахха «Сибиряков» борохуот «Якут» уонна «Партизан» диэн борохуоттары Халымаҕа соһон илдьибитэ.
1933 сыллаахха Халымаҕа «Дальстрой-1» уонна «Дальстрой-2» буксирдар уонна «Леонгард» уонна «Революционный» диэн пассажирдары таһар борохуоттар барбыттара. 1933 сыл атырдьах ыйын 20 күнүгэр күүстээх тыал түһэн «Революционный» тимирбитэ.
1932 сыллахха Пароходствону ведомствоннан араарбыттара - «Лензолотофлот» (Өҥнөөх метталлургия министерствота), ЛУРП (Наркомвод), СЯРП (Северо-Якутское пароходство Главного управления Севморпути). Халысаҕа «Дальстрой» уу транспорын салалтата.

Сэрии кэмигэр ленд-лиз таһаҕастарын тиэйэргэ пароходствоҕа улахан сайдыы барбыта.

1953 сылтан Пароходствоҕо састаабыгар ГУСМП, Северо-Якутское пароходство киирдилэр
1957 сыллаахха ЛОРП уонна «Лензолотофлот» холбоспуттара. Бу кэмҥэ «Лензолотофлот» 10 өрүскэ үлэлээбитэ, устата 7115 км, Таһаҕас тиэйии 200 тыһыынча тоннаҕа тиийбитэ. Кини «Лензолото», «Джугджурзолото», «Мамслюда», «Алданслюда» тресттары хааччыйыра, 16 тиксии баара.
1952 сыллаахха Лена тимир суол станцията тутуллубутун кэннэ Качуг уонна Жигалово тиксиилэргэ таҕат тиэйиитэ тохтообута.
1958 сылтан Осетрово өрүс порда туттуллан барбыта. Ол кэнниттэн Саха сиригэр таһаҕас үксэ манан кэлэр этэ.

Осетрово порт баар буолбутун кэннэ 600 — 2000 тонна уйумтуолаах борохуоттар баар буолбуттара.

Перестройка саҕына ЛОРПка 1105 борохуот баара (уопсай күүһэ 610,9 тыһ. а.к. уонна уопсай уйумтуота 1282,6 тыһ. т).
1994 сыл бэс ыйын 23 күнүгэр "ЛОРП" ационернай компания регистрацияламмыта.
1998 сыл бэс ыйын 20 күнүгэр аһаҕас акционернай общество буолбута.

Ылыллыбыт сирэ

http://www.lorp.ru/about Архыыптаммыт 2012, Ыам ыйын 7 күнүгэр.

Фотогалерея

ЛОРП дьиэтэ
Дьокуускай өрүс пордугар
" — "
«Демьян Бедный» круиз борохуота Өлүөнэ очуостарыгар
«Демьян Бедный» тиксэн эрэр
«Михаил Светлов» борохуот
Дьокуускай өрүс пордугар Н. Е. Глотовка өйдөбүнньүк
Өлүөнэҕэ уунан сылдьыы 100 сааһын туолуутугар өйдөбүнньүк