Кулун Куллустуур, оонньуу

Кулун Куллустуур - былыргы саха оҕолорун оонньуута.

Бу оонньууну саха үҥкүүтүгэр билигин үгүстүк киллэрэн үҥкүүлүүр буоллулар. Былыр өбүгэлэрбит, ыччаттара сайын сайы-лыкка көһүү саҕана эбэтэр сайылыктан кыстыктарыгар кэллэхтэринэ бу оонньууну оонньууллара, күрэхтэһэллэрэ эбитэ үһү.

Кыыстаах уол утарыта тураллар, илиилэрин тарбахтарыттан тутуһан баран, уол уҥа өттүнэн, кыыс хаҥас өттүнэн тарбахтарын ыытыспаккалар эрэ илиилэрин иһинэн эргийэн тахсыахтаахтар. Күрэхтэһэр дьон икки-үс паара буолаллар. Сирдэрэ эниэ, сырыынньа буолуохтаах. Бастаан сыыр анныттан саҕалаан үөһэ тахсыахтаахтар, онтон төттөрү түһүөхтээхтэр. Тарбахтарын ыһыктыбакка, охтубакка уруттаан кэлбит паара кыайар.

Өссө көр

• Анньа-Бөрдө
• Тымтык күүгүнэй
• Кырынаастыыр, оонньуу
• Күөрчэх ытыйыы, оонньуу
• Тарбаҕы үтүктүһүннэрии, оонньуу
• Үтүлүк ылыы, оонньуу