Шараборин Василий Васильевич

Кокшарский Григорий Михайлович.

Григорий Михайлович Кокшарский - Саха сиригэр тыҥа хирургиятын төрүттэччитэ. 1950 сыллаахха Россия5а аан бастакынан экстраплевральнай олеоторакс ньыматын киллэрбитэ. Научнай үлэтин түмүгүнэн 1954 сыллаахха кандидатскай диссертациятын ситиһиилээхтик көмүскээн, Саха сириттэн биир бастакынан медицинскэй наука кандидата буолбута.

1906 сылаахха Арҕаа Хаҥалас улууһугар Чыамадай нэһилиэгэр аҕабыыт дьиэ кэргэнигэр төрөөбүтэ. Омугунан нуучча. Ол эрээри, сахалар ортолоругар төрөөбүт-үэскээбит, кинилэр төрүт культураларын этигэр-хааныгар оҕо сааһыттан иҥэриммит буолан уу сахалыы тыллааҕы-өстөөҕө .Григорий Кокшарский гражданский сэрии актыыбынай кытталлааҕа, илиитигэр саасаадах тутан 1923 сыллаахха Пепеляев генералы утары охсуһууга кыттыбыта, онтон 1925 сыллаахха Строд этэрээтигэр фельдшеринэн сылдьан артемьевщинаны хам баттаааһыҥҥа кыттыны ылбыта. 1931 сыллаахха Ленинградтааҕы медицинскэй институту бүтэрэн, төрөөбүт Сахатын сиригэр быраас буолан эргиллэн кэлбитэ. Оччолорго быраас ханна да тиийбэт кэмигэр эдэр специалист Ленинградка дуу, ханна дуу улэлии хаалар, олохсуйар толору кыахтаах этэ. Ону ол диэбэккэ, дьиҥнээх патриот буолан төрөөбүт дойдутугар эргилиннэҕэ. Г.М Кокшарский хирург-учуонай быһыытынан үлэлээбит үлэтэ, искусствоҕа ситиһиитэ - барыта төрөөбүт норуотугар анаммыта. Кини үтүөкэннээх учуутал этэ, Т.Самсонова, В.Шадрин, М.Колодезникова курдук биллиилээх хирурдары уһуйталаан үөрэтэн таһаарбыта. Тыҥатыгар искэн үөскээн биэс уон сааһын ситэ туолбакка сылдьан, 1956 сыллаахха бу күн сириттэн букатыннаахтык арахсыбыта. Ол курдук, норуот таптыыр, сүгүрүйэр киһитэ этэ.

Үлэлээбит сирдэрэ:

1931-34 cc. эдэр быраас үлэтин Тааттаҕа Чөркөөхтөөҕү врачебнай балыыһаҕа үлэлээн саҕалаабыта, манна айымньылаахтык үлэлээбитэ.

1937-42 сс. Бүлүүгэ оройуоннааҕы балыыһа сэбиэдиссэйинэн уонна хирурунан үлэлээбитэ.

1942-44 сс. Дьокуускайга куорат балыыһатыгар хирурунан үлэлээбитэ. Дьэ уонна, 1944 сыллаахтан ылата олоҕун тиһэх күннэргэр диэри тыҥа сэллигин хирургическай эмтээһиҥҥэ хирург да, учуонай дабыһыытынан дириҥ билиитин-көрүүтүн, күүһүн-уоҕун биэрбитэ.

Өр сылларга сүрүн үлэтин таһынан Саха музыкальнай театрыгар-студиятыгар солиһынан үлэлээбитэ. Кокшарский "Ньургун Боотур" операҕа Үрүҥ-Уолан партиятын толорбутун көрөөччүлэр хаһан да умнубаттар.

Дьиэ кэргэнэ.

Г.М Кокшарский тус олоҕор да дьоллоох киһи этэ . Кэргэнэ Мария Ивановна Дуглас Хаҥаластан төрүттээҕэ, киниттэн итэҕэһэ суох биллиилээх, өр сылларга республика Доруобуйатын харыстабылын министерствотын кылаабынай акушер-гинекологынан үлэлээбитэ. Кинилэр кыыстаах уол оҕолоохтор. Кыыстара Наталья Григорьевна Свердлова консерваторияны бүтэрбитэ, скрипачка, өр сылларга Новосибирскайдааҕы опера уонна балет театрыгар үлэлээбитэ. Уоллара Михаил Григорьевич идэтинэн геолог.

Наҕараадалара.

Үлэ Кыһыл Знамята уонна иккитэ Бочуот Знага уордьаннарынан, элбэх мэтээллэринэн наҕараадаламмыта. 1947 с. Саха АССР үтүөлээх бырааһа, 1952 сыллаахха РСФСР үтүөлээх бырааһа үрдүк ааттары ылбыта. Республика үрдүнэн Тааттаҕа эрэ баар кини аатынан уулусса уонна ханна да суох. 1960 сыллаахха Саха сиринээҕи сэллик научнай-чинчийэр институтум Бочуотун кинигэтигэр үйэ-саас тухары киллэрбиттэрэ. Уонунан тыһынча ыарыһаҕы өлөр өлүүттэн өрөһүйбүтэ.

Туһанылыбыт литература.

Саха сирэ хаһыата.

Информационнай Политический портал Sakha News Перевода