Михайлов Владимир Африканович

Владимир Африканович Михайлов
	Владимир Африканович Михайлов
Үлэтэ:	«Кириэстээх» ТХК ыанньыксыта
Төрөөбүт күнэ:	8 алтынньы 1953 (71 саастаах)
Төрөөбүт сирэ:	Марба, Бордоҥ нэһилиэгэ, Сунтаар улууһа, Саха АССР
Дойдута:	ССРС → Арассыыйа

Влади́мир Африка́нович Миха́йлов (төр. алтынньы 8 1953, Марба, Сунтаар улууһа) — Сунтаар улууһун «Кириэстээх» тыа хаһаайыстыбатын кооперативын ыанньыксыта. Үлэ Албан аатын уордьанын толору кавалера. Бочуот уордьанын кавалера.

Олоҕун олуктара

Владимир Африканович 1953 сыл алтынньы 8 күнүгэр Марба с. (билиҥҥитэ Сунтаар улууһун Бордоҥ нэһилиэгин Бордоҥ с.) төрөөбүт. Бордоҥ орто оскуолатын бүтэрээт, Бордоҥ совхозка ыанньыксытттабыт.

1979 сылтан — «Маяк» ферма ыанньыксыта.

IX (1971—1975), X (1976—1980) уонна XI (1981—1985) пятилеткалар түмүктэринэн Владимир Африканович үүт ыамыгар улууһугар уонна бүтүн Өрөспүүбүлүкэҕэ үрдүк көрдөрүүлэммит, биир ыанар ынахтан 4250 кг үүт ыанарын ситиспит.

ССРС Үрдүк Сүбэтин Президиумун уураахтарынан 1976, 1983 уонна 1990 сыллардаахха үүт ыамыгар бигэлээх көрдөрүүлэрин уонна өр сыллаах туһалаах үлэтин иһин Үлэ Албан аатын уордьанын үс степеннэринэн наҕараадаланан, бу уордьан толору кавалера буолбут.

2000 сылтан «Кириэстээх» кооперативка үлэлиир.

Владимир Африканович тыа хаһаайыстыбатын эйгэтигэр 40-н тахса сыл үтүө суобастаахтык, күргүөмнээхтик үлэлиир, кооператив бастыҥ үлэһитэ, эдэр ыанньыксыттары үөрэтэр.

2013 сыллаахха тыа хаһаайыстыбатын сайыннарыыга улахан өҥөтүн, үлэҕэ үрдүк ситиһиилэрин уонна өр сыллаах кыһамньылаах үлэтин иһин Российскай Федерация Президенын Ыйааҕынан Бочуот уордьанынан наҕараадаламмыта.^[1].

Сунтаар улууһугар олорор.

Наҕараадалара

Бочуот уордьана (2013)^[2]
Үлэ Албан аатын уордьана I, II уонна III ст. (1990, 1983, 1976)
Саха Өрөспүүбүлүкэтин норуотун хаһаайыстыбатын үтүөлээх үлэһитэ
«Хотугу Сулус» уордьан (2011)^[3]
Саха Сирин комсомолун лауреата

Быһаарыылар

Сигэлэр

[1] Официальный информационный портал Республики Саха (Якутия): Владимир Путин наградил Орденом Почёта якутского дояра Владимира Михайлова

[2] Указ Президента РФ от 13 сентября 2013 г. № 718 «О награждении государственными наградами Российской Федерации» Архыыптаммыт 2014, Балаҕан ыйын 19 күнүгэр.

[3] Официальный информационный портал Республики Саха (Якутия): Кавалеры Ордена Республики Саха (Якутия) «Полярная звезда» — список награждённых

[1]

[2]

[3]