Никифорова Нина Алексеевна

Саха Республикатын оскуолаларын Үтүөлээх учуутала, РСФСР норуотун үөрэҕириитин туйгуна, Учууталлар учууталлара, Үөһээ Бүлүү улууһун, Хоро нэһилиэгин ытык олохтооҕо.

1937 сыллаахха балаҕан ыйын 23 күнүгэр Орджоникидзевскай оройуон (билиҥҥитэ Хаҥалас улууһугар) Тиит Арыы нэһилиэгэр төрөөбүтэ. Саха Государственнай университетын 1959 сыллаахха бүтэрэн баран Бүлүү улууһугар Хампа орто оскуолатыгар, Үөһээ Бүлүү улууһугар Далыр, Хоро орто оскуолаларыгар нуучча тылын уонна литературатын учууталынан үлэлээбитэ. 1989 сылтан 8-11 кылаастарга нуучча тылын уонна литературатын дириҥэтэн үөрэтиини Хоро орто оскуолатыгар саҕалаабыта.