Новикова Галина Васильевна

Новикова Галина Васильевна (1959, Агдаары с., Сунтаар оройуона, Саха АССР), РФ уопсай үөрэхтээһинин Бочуоттаах үлэһитэ, Саха Өрөспүүбүлүкэтин үөрэҕириитин туйгуна, СӨ Учууталларын учуутала.

Олоҕун олуктара

Сунтаар оройуонун Агдары нэһилиэгэр 1959 с. алтынньы ый 17 к. төрөөбүтэ. Н.Г.Чернышевскай аатынан Бүлүү педагогическай училищетын, Магаданнааҕы педагогическай институту (1982 с.) бүтэрбитэ, алын кылаас учуутала.

1982 сылтан А.П.Павлов аатынан Сунтаар 1№-дээх орто оскуолатын, онтон В.Г.Павлов аатынан Сунтаар алын сүһүөх оскуолатын үрдүк категориялаах учуутала. Улууска уонна республикаҕа, федеральнай таһымҥа опыта киэҥник тарҕаммыт экспериментатор – учуутал. Учуутал үөрэнээччилэрэ бары ситиһиилээх дьон буола улааталлар, кинилэр ортолоругар элбэх кыһыл уонна үрүҥ көмүс медалистар, аррас НПК-лар, ааҕыылар кыайыылаахтара, олохторугар миэстэлэрин булбут дьон тахсаллар.

«Школьный дневник начальной школы Сунтарского района» үөрэнээччи дневнигын ааптардарыттан биирдэстэрэ.”Саха оҕото”, “Тобул” иитэр үлэ бырайыактарын ааптара. Улуус аттестационнай комиссиятын чилиэнэ, общественнай методист, улуус алын кылаастарын методическай холбоһугун салайааччыта. 2010 сылтан «Первое сентября» педагогическай кулууб чилиэнэ. “Кенгуру” аан дойдутааҕы математическай олимпиада тэрийээччитэ.

Сүрүн үлэтин таһынан Новикова Г.В. – “Көлүкэчээн” ырыа ансамбль тутаах ырыаһыта, общественнай үлэ лидера, Сунтаар нэһилиэгин дьавхталларын сэбиэтигэр үлэлиир, 2012 сылтан «Биир ньыгыл Россия» партии Сунтаар оройуонунааҕы политсоветын чилиэнэ. ^[1]

Наҕараадалара уонна ытык ааттара

Российскай Федерация уопсай үөрэхтээһинин Бочуоттаах үлэһитэ.
ПНПО конкурсун кыайыылааҕа, Российскай Федерация Президенын “ РФ бастыҥ учуутала ”Гранын хаһаайына.(2008г);
Саха Өрөспүүбүлүкэтин үөрэҕириитин туйгуна.
«Саха Өрөспүүбүлүкэтин Учууталларын учуутала”анал бэлиэ.
«Азия оҕолоро» МДФ стипендиата.
«Сунтаар улууһун үөрэҕииритин сайдыытыгар кылаатын иһин» анал бэлиэ.
Сунтаар улууһун үөрэҕирии саламтатын «Маастар-учуутал» анал аат хаһаайына.

Кини туһунан

“Педагогическая энциклопедия”. /М-во образования Респ. Саха (Якутия). Том 6. / редакционная коллегия : И.П.Любимова, М.Ю.Присяжный, В.И.Тихонов [и др]; составитель и ответственный за выпуск В.С.Иванова (Зверева). – Якутск: Смик-Мастер.Полиграфия, 2022.- 234.

Сигэлэр

↑ “Педагогическая энциклопедия”. /М-во образования Респ. Саха (Якутия). Том 6. / редакционная коллегия : И.П.Любимова, М.Ю.Присяжный, В.И.Тихонов [и др]; составитель и ответственный за выпуск В.С.Иванова (Зверева). – Якутск: Смик-Мастер.Полиграфия, 2022.- 234.

[1] “Педагогическая энциклопедия”. /М-во образования Респ. Саха (Якутия). Том 6. / редакционная коллегия : И.П.Любимова, М.Ю.Присяжный, В.И.Тихонов [и др]; составитель и ответственный за выпуск В.С.Иванова (Зверева). – Якутск: Смик-Мастер.Полиграфия, 2022.- 234.

[1]