Петров Михаил Николаевич
Петров Михаил Николаевич, (1905 с Кутана с., Сунтаар оройуона , Саха АССР] – 1974с.), РСФСР норуотун үөрэҕириитин туйгуна, Саха АССР үтүөлээх учуутала, Сиэйэ нэһилиэгин Бочуоттаах олохтооҕо.
Олоҕун олуктара уларыт
Сунтаар улууһугар Кутанаҕа төрөөбүтэ. 1916 сылаахха Кутана церковнай-приходскай оскуолатыгар үөрэнэ киирбитэ. Сайын баай дьоҥҥо хамнаска үлэлиирэ. 1918-1919 сс. 4 сыллаах үөрэҕи үс сыл үөрэнэн бүтэрбитэ уонна Элгээйи икки кылаастаах училищетыгар А.А. Иванов-Күндэ көмөтүнэн үөрэммитэ. Элгээйи оскуолата, кини бүтэрэригэр, үлэ сэбиэскэй оскуолатыгар уларытыллан тэриллибитэ. Бу оскуоланы туйгуннук бүтэрээт, Ньурба оскуолатыгар киирэр. Үлэтин улуус дьаһалтатын дьыалаларын дьаһайааччынан, исполком сэкиритээринэн, кооператив атыыһытынан, ликбез учууталынан саҕалаабыта.
1925 с. Ленскэй уокуругар үс кылаастаах Захаровскай оскуолаҕа учууталлаабыта. Ленскэйтэн доруобуйатынан төрөөбүт дойдутугар эргиллэр уонна Мочууһун нэһилиэгин бэрэссэдээтэлинэн быыбарданар, 1927 с. улуус исполкомун чилиэнинэн уонна үп дьыалатын сэбиэдиссэйинэн ананар.1928 сыллаахха учууталлыырын көҥүллүүллэр. Бастаан Кутанаҕа, онтон олоҕун устата Сиэйэ оскуолатыгар үлэлиир, 5 сыл дириэктэрдиир, 18 сыл нуучча тылын уонна литературатын биэрэр, физиканы, географияны үөрэтэр.
1934 с. Петров М.Н. үөрэхтээһин ударнига буолар, ударник-учууталлар өрөспүүбүлүкэтээҕи слеттарыгар кыттыыны ылар. 1937 сыллаахха ыытыллыбыт аттестация түмүгүнэн Михаил Николаевичка начаалынай оскуола учууталын аатын иҥэрэллэр [1]
Наҕараадлара, ытык ааттара уларыт
- РСФСР норуотун үөрэҕириитин туйгуна.
- Саха АССР оскуолаларын үтүөлээх учуутала.
- Сиэйэ нэһилиэгин Бочуоттаах олохтооҕо.
Быһаарыылар уларыт
- ↑ Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.