Романов Никон Семенович

Романов Никон Семенович (19.01.1908—09.10.1941) — устуорук, саха маҥнайгы учуонайдарыттан биирдэстэрэ, Аҕа дойду Улуу сэриитин кыттыылааҕа.

Олоҕун олуктара

• 1908 сыл тохсунньу 19 күнүгэр Үөһээ Бүлүү улууһун Нам нэһилиэгэр төрөөбүт.
• 1926 с. — Бүлүү педтехникумугар киирэр.
• 1929 с. — Ньурба улууһун Маалыкай оскуолатыгар учууталынан анаммыт. Манна колхуос тэрээһинигэр көхтөөхтүк кыттыбыт.
• 1930 с. — ВКП(б) чилиэнэ.
• 1931—1932 сылларга Үөһээ Бүлүү оскуолатыгар үлэлээбит. Киниэхэ үөрэммиттэр: Петр Тобуруокап — саха норуодунай поэта, Егор Кардашевский — тыл үөрэҕин билимнэрин кандидата, Родион Ильин, Михаил Иванов — партия уонна сэбиэт үлэһиттэрэ.
• 1933 с. — Ленинград куоракка Герцен аатынан педагогика институтугар үөрэххэ киирбит.
• 1935—1938 сс. — Дьокуускай Педагогика институтугар ССРС устуоруйатын кафедратын преподавателэ.
• 1938 с. — Ленинград университетын аспирантууратыгар киирбит.
• 1941 сыл бэс ыйын 21 күнүгэр хандьыдаат диссэртээссийэтин көмүскээбит, тиэмэтэ «Ясак в Якутии в XVIII веке».
• 1941 сыл бэс ыйын 22 күнүгэр сэриигэ баҕа өттүнэн барбыт.
• 1941 сыл алтынньы 9 күнүгэр Колпино куорат аттыгар өлбүт.

Айымньыта

• Ясак в Якутии в XVIII веке, Киирии тыла Мартынов М. Н. — 1956.

Литература

• Саввинов В. Дьаһаах историятын дьаныһан үөрэппит учуонай : [учуутал, буойун, и. н. к. Романов төрөөбүтэ 100 сылын көрсө] // Саха сирэ. — 2009. — Кулун тутар 19 к.
• Борисов И. Якуты среди защитников Ленинграда // Якутия. — 2012. — 6 марта.

Сигэлэр

• Они были участниками освобождения блокадного Ленинграда
• Выпускники и преподаватели, героически защищавшие Родину