Россияҕа түмэт туризма

Россияҕа түмэт туризма — үлэ биэрээччилэр уонна государственный пуондалар үбүлээһиннэринэн тэриллэр туризм.

Остуоруйата

Россияҕа түмэт туризма (быһаарыытын холбоон) «Об основах туристской деятельности в Российской Федерации» диэн Россия федеральнай сокуонунан салайтарар. Сокуонунан түмэт туризма «дойду бастатан туран салайар туризм көрүҥэ», ол эрээри, 2012 сыллаах көрдөрүүлэринэн түмэт туризмыгар сыһыаннаах биир да сокуон ылыллыбатах. РФ сорох субъектара, холобур, Краснодар кыраайа уонна Санкт-Петербург, түмэт туризма сайдарын туһугар бэйэлэрэ сокуоннары ылына сатаабыттара.

Европа дойдуларыгар (Россияттан диэн уратыта) дойду түмэт туризмын үбүлээбэт уонна анал тэрилтэ таһаарар отпуск чектарын систематыгар олоҕурар. Бу чектар үлэ биэрээччилэргэ уонна түмэт тэрилтэлэригэр тарҕанар. Россияҕа дойду сүрүн оруола сөптөөх эйгэни оҥорууга буолбакка, үбүлээһиҥҥэ эрэ..

Россияҕа түмэт туризма санаторно-курортнай эмтээһини кытта ыкса ситимнээх. Бу санаторно-курортнай тэрилтэлэр туристическай тэрилтэ ахсааныгар киирбэттэр. Ол иһин туһанааччы уонна ыытааччы икки ардыгар договор сыһыана үөскээбэт, онтон сылтаан турист бырааба суох буолан хаалар. Сүрүннээн түмэт туризмы үбүлээһин бюджет харчытыгар олоҕурар. Ону таһынан бу туризмы үлэни биэрээччилэр үбүлүүллэр.

Түмэт туризмыгар урбаан

Дойдуттан уонна пуондалартан ааһан түмэт урбаанньыттара улахан көмө оҥороллор.

Түмэт туризмыгар түмэт урбаанын тэрийии биир холобура "Росомаха" диэн Камчаткатааҕы эдэр ыччат туризмын киинэ буолар. Бу киин сүрүн уратыта диэн туристар аҥардара көннөру туристар, иккис аҥардара түмэт туристара.

Кинигэлэр

• Соколова Н.А. Социальный туризм как особый объект правового регулирования // Туризм в Российской Федерации: правовое регулирование: учебное пособие. — Wolters Kluwer Russia, 2010. — С. 16-27.

Сигэлэр

• Цахилова Е.К., Смирнова Е.В. Социальное предпринимательство в сфере туризма. Тургутулунна 30 Ыам ыйын 2015.