Ростовтааҕы судаарыстыбаннай мэдиссиинэ университета

Ростовтааҕы судаарыстыбаннай мэдиссиинэ университета - Арассыыйа соҕуруу өттүгэр, Ростов-на-Дону куоракка баар үрдүк үөрэх тэрилтэтэ, улахан научнай уонна эмтиир киин.

Ростовтааҕы судаарыстыбаннай мэдиссиинэ университета Ростовский государственный медицинский университет (Рост ГМУ)
Аан дойдутааҕы аата	The Rostov State Medical University
Олохтоммут сыла	1915 (Создан медицинский факультет на базе Варшавского русского университета)
Салайааччы	Шлык Сергей Владимирович
Устудьуоннара	7000
Преподавателлэрэ	800
Турар сирэ	Арассыыйа Арассыыйа, Ростов-на-Дону
Аадырыһа	Ростов-на-Дону, Нахичеванскай пер., 29
Саайта	http://www.rostgmu.ru
Rostov State Medical University

Ректор Сергей Владимирович Шлык.

Устуоруйата

1915 с.Варшаватааҕы нуучча университетын базатыгар мэдиссиинэ факультета төрүттэммит. 1920 с.бастакы 295 быраас үөрэнэн бүтэрбиттэр. Кэлин, Хотугу Хапкаас университетын мэдиссиинэ факультета Ростовтааҕы мэдиссиинэ институтун кытта холбоспут. 1930 с. ССРС НКС уонна КСК алтынньы 13 күнүнээҕи уурааҕынан уонна Наркомпрос дьаһалынан мэдиссиинэ института төрүттэммит. 1980 с.институт, 60-тан тахса тас дойдуга каадырдары бэлэмнээһиҥҥэ үтүөлэрин иһин Норуоттар доҕордоһууларын уордьанынан наҕараадаламмыт.

1994 с. Ростовтааҕы судаарыстыбаннай мэдиссиинэ университетын статуһа иҥэриллибит.

Структурата

Университетка

• -11 факультет уонна мэдиссиинэ кэллиэһэ
• -элбэх профиллаах клиника
• -НЧИлар
• -научнай кииннэр
• -проблемнай кииннэр бааллар.

Сыл аайы 7000 устудьуон, квалификацияны үрдэтии, эбии испэссээлинэскэ бэлэмнэнии факультетыгар 7000 истээччи, 650- тан тахса интерн, ординатор, аспиран дьарыктаналлар. 91 кафедраҕа 800 үлэһиттээх, ол иһигэр 130 наука дуоктара, бэрэпиэссэр, 500 кэриҥэ наука хандьыдаата бааллар. Университет бас билэр 860 куойкалаах, 20 анал салаалаах, 18 эмтиир-диагностыыр хос салаалаах, 17 клиническай кафедралаах мэдиссиинэ клиникалаах. Клиника үлэһиттэрэ эмтиир, үөрэтэр, консультациялыыр үлэни толороллор.

Факультеттара

1. Лечебнай факультет
2. Медико-профилактическай факультет
3. Педиатрическай факультет
4. Стоматологическай факультет
5. Фармацевтическай факультет
6. Уопсай клиническай практика факультета

Рейтиннэрэ

Ростовтааҕы судаарыстыбаннай мэдиссиинэ университета, " Национальное признание"диэн Арассыыйа мэдиссиинэ үрдүк үөрэҕин тэрилтэлэрин рейтинигэр 49 тэрилтэ кыттыбытыттан 17-с миэстэлээх.

Сигэлэр

http://rostgmu.ru/ https://vrach-profi.ru/o-nas/istoriya-sozdaniya/ Архыыптаммыт 2019, От ыйын 1 күнүгэр. https://www.unipage.net/ru/8280/rostov_state_medical_university https://rostov.ucheba.ru/uz/16953 https://univer.expert/akademicheskiye-reytingi/rejting-medicinskih-vuzov-2019/