Семенов Григорий Трофимович

Семенов Григорий Трофимович (27.02.1903—16.06.1970) — геолог, Социалистыы Үлэ Дьоруойа.

Олоҕун олуктара

1903 сыллаахха олунньу 27 күнүгэр Сунтаар оройуонун Хадан нэһилиэгэр төрөөбүт.
Элгээйи икки кылаастаах оскуолатын бүтэрэээт, 1916 сыллаахха Үрдүкү начальнай училищеҕа үөрэммит. 1922 сыллаахха Бүлүүгэ II ст. оскуоланы бүтэрбит.
1923—1924 сс. Бүлүүгэ I ст. учууталлаабыт, оскуола сэбиэдиссэйинэн үлэлээбит.
1924 с. партия Саха Сиринээҕи обкома туһаайыытынан, Томскай университетыгар геология салаатыгар үөрэммит.

Университеты 1930 сыллаахха бүтэрэн Саха сиригэр кэлэн Хаҥаласка (Туймаада хочотун Хотугу Ытык хайатыгар турар бөһүөлэк) геологтар баартыйаларын начаалынньыгынан анаммыт. Кини салалтатынан геологтар таас чох ссаппааһын аахпыттар уонна хостуурга сүбэлэри биэрбиттэр. 1931—1932 сыллаахха Буотама-Тиит Арыы геологтар баартыйаларын начаалынньыгынан үлэлии сылдьан Буотама үрэххэ тимир уруудатын разведкалаабыт.

1932 сыллаахха Дьокуускай оруйуонун геологоразведочнай управлениетын начаалынньыгынан анаабыттар. 1933 сыллаахха Саха сирин геоологоразведочнай треһин начаалынньыга буолбут. Онтон 1934 сыллаахха "Союзникельоловоразведка" Саха сиринээҕи салаатын управляющайынан анаммыт.

1935 сыллаахха САССР Госпланын бэрэстээтэлин солбуйааччытынан анаммыт. 1936 с. ЯЦИК Бөрөсүүдьүмүн чилиэнинэн талыллыбы, онтон 1936 с. САССР Үрдүкү Сэбиэтин бастакы ыҥырыытыгар дьокутаакка хандьыдаат буолбут.

1938 сыллаахха РСФСР Холуобунай кодексын 58-с ыстатыйатынан хаайыллыбыт, суута 1941 сыллаахха буолбут, 8 сыл көннөрөр-күһэлэҥ лааҕырга уурахтаммыт. 1948 с. босхолонон баран хос тутуллубут уонна Красноярскай кыраайга суутунан көскө ыытыллыбыт, онно геологоразведка баартыйалараыгар үлэлээбит. 1949—1956 сс. Норильскай ГОК геологоуправлениетын ГРП-тыгар үлэлээлээбит. 1955 с. реабилитацияламмыт уонна бырааба барыта чөлүгэр түһэриллибит.

1957—1969 сс. Саха срин геологиятын упраылениетын кылаабынай геологунан үлэлээбит. Бу кэмҥэ Саха сиригэр бөдөҥ геология арыйыылара буолбуттара: Айхал уонна Удачнай кимберлдит туруупкалара, Үөһээ Дьааҥыга көмүс сытар сирдэрэ, ртуть, хорҕолдьун, гаас сытар сирдэрэ. Ону таһынан Семенов олохтоох геологтары бэлэмниир үлэҕэ сүҥкэн өҥөлөөх, СГУ-га петрографияҕа уонна экономическай геологияҕа лиэксийэ ааҕара.

1970 сыллаахха бэс ыйын 16 күнүгэр өлбүтэ.

Наҕараадалара уонна ытык ааттара

• Социалистыы Үлэ Дьоруойа (1966.07.04)

Өссө маны көр

Социалистическай Үлэ Геройдарын тиһигэ (Саха Сирэ)

Сигэлэр

• Выбор якутян перед историей…
• Знаменательные даты и события -> Памятные даты -> 2003 год -> Февраль
• Семёнов Григорий Трофимович// Энциклопедия ЯСИА
• Владимир Пестерев. История Якутии в лицах. — Якутск: «Бичик», 2001.