Силин Александр Семёнович
Силин Александр Семёнович (төр. 21.09.1914, Маҕан, Саха уобалаһа - 07.09.2018) — Аҕа дойду Улуу сэриитин кыттыылааҕа, Саха Сирин уһун үйэлээх олохтооҕо.
| Силин Александр Семёнович | |||||
| Төрөөбүт күнэ: | |||||
|---|---|---|---|---|---|
| Төрөөбүт сирэ: | |||||
| Дойдута: | |||||
| Өлбүт күнэ: |
7 балаҕан ыйын 2018 (103 сааһыгар) | ||||
| Өлбүт сирэ: |
Дьокуускай | ||||
| Наҕараадалара: |
| ||||
Олоҕун олуктара
уларыт1914 сыллаахха балаҕан ыйын 21 күнүгэр Маҕаҥҥа төрөөбүт. 1924 сыллаахха тулаайах хаалан, кыра быраатын кытта «Коммунист» оҕо дьиэтигэр иитиллибит.
1931 сылтан Мархаҕа «Прогресс» тыа хаһаайыстыбатын артыалыгар үлэлээбит. Трактористар куурустарын бүтэрэн баран, 1935 сылга дылы Дьокуускайдааҕы МТС-ка үлэлээбит.
1935 сыллаахха Дьокуускайдааҕы үп техникумугар 9 ыйдаах кууруска үөрэххэ киирбит. Бүтэрээт, Мэҥэ-Хаҥалас уонна Өлүөхүмэ улуустарыгар бухгалтерынан үлэлээбит.
1944 сыллаахха Кыһыл Аармыйа кэккэтигэр ыҥырыллан Илиҥҥи фроҥҥа сулууспалаабыт. ССРС Японияны утары кыргыһыыларыгыр кыттыбыт.
Аармыйа кэнниттэн 1946 сыллаахха Саха АССР үбүн министерствотыгар ревизорынан үлэлээбит.
1949—1969 сс. — Саха АССР Миниистирдэрин Сүбэтин аппаратыгар үлэлээбит.
1969—1986 сс. — «Стройремонт» трест материальнай-техническэй хааччыйыытын салалтатын начальнига.
Александр Семёнович билигин Дьокуускайга олорор.
Наҕараадалара уонна ытык ааттара
уларыт- Аҕа дойду сэриитин II ст. уордьана (06.04.1985)[1]
- «Бойобуой өҥөлөрүн иһин» мэтээл
- «Японияны кыайыы иһин» мэтээл
- «Аҕа дойду сэриитигэр 1941—1945 сс. килбиэннээх үлэ иһин» мэтээл
- Саха АССР норуотун хаһаайыстыбатын үтүөлээх үлэһитэ (1990)
- Дьокуускай ытык киһитэ (2005)[2]
- Саха Өрөспүүбүлүкэтин ытык бэтэрээнэ
- «Үйэ саас» ытык бэлиэ (17.09.2014)[3]
- Саха Өрөспүүбүлүкэтин Баһылыгын Ытык грамотата (15.09.2014)[4]
Быһаарыылар
уларыт- ↑ Карточка награжденного в электронном банке документов «Подвиг Народа»
- ↑ Почётные граждане Архыыптаммыт 2014, Балаҕан ыйын 25 күнүгэр.
- ↑ Саха Өрөспүүбүлүкэтин Баһылыгын э. т. Е. Борисов 17.09.2014 2870 №-дээх Ыйааҕа
- ↑ Саха Өрөспүүбүлүкэтин Баһылыгын э. т. Е. Борисов 15.09.2014 2867 №-дээх Ыйааҕа
Сигэлэр
уларыт- В 2014 году в Якутии отмечаем 100-летие четырех человек
- О. Петровская. Александр Силин — самый старший фронтовик в Якутске // Якутия : хаһыат. — 08.05.2014. — № 80.