Слепцов Афанасий Спиридонович

Слепцов Афанасий Спиридонович — сахалар 1912 сыллааҕы сийиэстэрин кыттыылааҕа, Нам улууһун Бөтүҥэр бастакы миэлиҥсэни туттарбыт, бурдугу элбэхтик ыһан байбыт киһи.

Нэчимиэни уонна сэлиэһинэйи ыһарга аттакылартан үөрэммит. Сылгыны, ынаҕы да элбэҕи тутар эбит.

Улахан уола Тараах (Тараас) Слепцов Томскайга университекка үөрэнэ сылдьан дойдутугар кэлэн куорат олоҕор көхтөөхтүк кыттар, Саха омук уопсастыба баһылыыр-көһүлүүр чилиэнэ буолар. 1921 сыллаахха өрөбөлүүссүйэни утарар саагыбарга кытынна диэн Е. М. Егасовтааҕы кытта ытыллар.

А. С. Слепцов иккис уола Баһылай уонна кыыһа Маарыйа Аҕа дойду сэриитин кыттыылаахтара. Баһылай 1944 сыллаахха полковник чыыннаах өлбүт, Мария — сержант, Берлины ылыыга кыттыспыт, Рейхстаг эркинигэр аатын суруйбут.

Өссө биир кыыһа Елизавета Афанасьевна — Алампа бастакы таптала.