Собакин Семён Гаврильевич

Семен Гаврильевич Собакин (1896-1990), норуокка биллэринэн Томойо Сэмэн, 1896 сыллаахха от ыйын маҥнайгы күнүгэр Даайа-Амматыгар Тэйэр Хайа анныгар төрөөбүтэ.

Эдэр сааҺыттан булчут үксүн хара тыаҕа сылдьыбыта. Кэпсээнэ киирбит биир түгэнинэн, Иннокентий Михайлович Сибиряков илиинэн суруйбут ахтыытыгар бэлиэтээбитэ баар. Онно кэпсииринэн биир сыл, күһүн хаһыа да буолан 34 тайаҕы, 3 эһэни бултаабыттар. Оннук хорсуннаах, улахан булчут этэ.

Семен Гаврильевич сэриигэ 1943с. ынырыллан барар. Бастаан Белоруссия Минск куоратыгар Киров аатынан метзаводка улэлээбит. 1945(1946)с. сэриигэ атаҕар таптаран бааһырар, госпитальга эмтэнэн баран, сайын дойодутугар эргиллэн кэлбит. Кэлин тыыннааҕар соҕурууттан полковник званиелаах нуучча киһитэ кэлэн көрсөн, сэрии сылларыгар кинини уонна саллааттары өлөр өлүүттэн быыһаабытын иһин махтанан барбыта. Сэрии кэннэ эмиэ булт соноругар сылдьыбыт, холкуоска үлэлээбит.

Семен Гаврильевич былыргыны, дьону, сири-уоту билэрин үгүстүк бэлиэтии этэллэрэ. Кини, Эмээхсининээн Анастасия Семеновналыын Мырылаҕа Чурапчы улууһугар, кыра кыыһыгар Татьяна Семеновна Хомподоеваҕа олорбуттара. Сайынын үксүн Тэйэр Хайа анныгар бэйэтэ туппут кыракый балаҕаныгар олороро. Онно норуот суруйааччылара Амма Аччыгыйа, Суорун Омоллоон анаан-минээн кэлэн ыалдьыттаан, ирэ-хоро кэпсэтэн ааспыттара. Саха ходуоһунньуга Афанасий Осипов, Тэйэр Хайаҕа кэлэн уһуннук олорон уруһуйдаан ааспыт. Бука Амма кэрэ айылҕатын суруйан барбыта. Онно Семен Гаврильевич сиэнинээн оттуу тахсаары турдахтарына, тохтотон уруһуйдаабыта.

Оҕолоро, билэр дьоно ахталларынан хойуукка диэрт Аҕа дойду сэриитин дастабарыанньатын ылбакка, эмэхэнинээн сокуонунан көрүллэр пенсияларын анаппакка, туһаммакка барбыттар."Оҕолорбут иитиэхтэрэ, сударстваҕа сэлээннэммэппит"-диэн этэллэрэ үһү. Оннук сэмэй, көнө эбиттэр.

Семен Гаврильевич, Таатта Тыараһа Харбалатыттан, Моттуевтар кыыстарын Анастасияны кэргэн ылан 8 оҕоломмуттара.

Билигин, Томойолор сиэннэрдиин, хос сиэннэринээн 200-кэ буолан, Тааттаны, Чурапчынан куоратынан, республика араас муннуктарынан олороллор.

Семен Гаврильевич 1990с. 91 сааһыгар сылдьан, оттон Анастасия Семеновна 1985с. бу олохтон барбыттара. Көмүс уҥуохтара Ытык-Күөл, Саһыл Уйалаах кылаабыыһытыгарм хараллыбыттара.