Степанов Юрий Степанович (1949с.) – Саха Өрөспүүбүлүкэтин доруобуйа харыстабылын, социальнай сулууспа туйгуна. Талааннаах хирург, Республиканскай Реабилитационнай киин директора.

Олоҕун олуктара уларыт

Степанов Юрий Степанович 1949 с. от ыйын 10 күнүгэр Сунтаар оройуонун Бүлүүчээн нэһилиэгэр «Атаҕа Суох» диэн сиргэ төрөөбүтэ. Аҕата – Степанов Павел Николаевич, ийэтэ- Пелагея Гаврильевна. Юрий Степанович бииргэ төрөөбүттэрэ 12 этилэр. Тымныйан, аччыктаан суорума суолламмытара 8 оҕо. Бииргэ төрөөбүт эдьиийэ Еля эмп тэрилтэтигэр үлэлиир. Галя үрдүк үөрэхтээх дефектолог-учуутал Дьокуускай куоракка олорор. Олег Сунтаар улууһун депутата, САПИ Сунтардааҕы филиалын генеральнай директора.

Үөрэҕэ уларыт

10 кылааһы Кириэстээх оскуолатын бүтэрэн баран «Кириэстээх» совхозка рабочайынан үлэлээбитэ. Онтон 1968 с. Иркутскайдааҕы медицинскэй институтсанитарно-гинекологическэй факультетыгар туттарсан үөрэнэ киирбитэ. Үһүс курска хирург буолар баҕаттан (Иркутскайга лечебнэй факультекка көһөрбөтөхтөрүн иһин) Саха государственнай университетын медицинскэй факультетыгар көспүтэ. Оччотооҕу Республиканскай онкологическай диспансер кылаабынай бырааһа Местников Иван Иванович кыхтаахтык үөрэммит, үлэҕэ дьулуурдаах эдэр киһини хирурунан үлэҕэ ылбыта. Кини киһи ис органнарыгар уустук операциялары ситиһиилээхтик оҥорон дьон-сэргэ билиниитин ылбыта. Хирург-онколог уус тук идэтин баһылаабыта. Ити кэмҥэ Юрий Павлович туһунан «көмүс тарбахтаах», «чэпчэки илиилээх», диэн үтүө сурах тарҕаммыта.

1984-1986 сс. Москва куоракка клиническэй ординатураҕа үөрэммитэ. Онтон кэлээт, Республиканскай онкологическэй диспансер кылаабынай бырааһын эмтиир чааһыгар солбуйааччыннан анаммыта. 1989 сыллаахтан 1992 сылга диэри Доруобуйа харыстабылын министерствотын штаты таһынан кылаабыный хирурунан үлэлээбитэ. Президент М.Николаев Кииҥҥэ мөлүйүөн доллары анаабытыгар «Отто Бокк» фирматын кытта иккис контракт оҥостон дьахталларга уонна оҕолорго протез оҥорор аппараттары аҕалан туруорбуттара. 1995 с. сэтинньи ыйга үс мэндиэмэннээх, 25 куойкалаах Реабилитационнай киин буолар. 1992-2011 с. инбэлииттэр уонна ветераннар Республиканскай реабилитационнай киинин директорынан үлэлээбитэ.

Наҕараадалара уларыт

  • Саха Өрөспүүбүлүкэтин доруобуйа харыстабылын туйгуна
  • Саха Өрөспүүбүлүкэтин социальнай сулууспатын туйгуна
  • Саха Өрөспүүбүлүкэ Правительствотын знагын хаһаайына
  • Арассыыйа Бэдэрээссийэтин үтүөлээх бырааһа
  • Медицинскэй наука доктора
  • «За заслуги перед Отечеством» ІІ истиэпэннээх орден хаһайына

Сигэлэр уларыт

П. Ильяхов – Хамса «Степанов Ю.П – талааннаах хирург, сатабыллаах салайааччы», Дьокуускай: Бичик, 2001 - 144 с.