Стрекаловскай Михаил Михайлович
Стрекаловскай Михаил Михайлович (04.02.1914, Бастакы Өспөх нэһилиэгэ, Уус-Алдан улууһа — 29.06.1989) — Аҕа дойду Улуу сэриитин кыттыылааҕа, Арассыыйа Федерациятын Дьоруойа (1996).
| Михаил Михайлович Стрекаловскай | ||||
| Төрөөбүт күнэ | ||||
|---|---|---|---|---|
| Төрөөбүт сирэ | ||||
| Өлбүт күнэ |
29 бэс ыйын 1989 (75 сааһыгар) | |||
| Сулууспалаабыт дойдута | ||||
| Сулууспалаабыт сыллара |
1941—1944 | |||
| Солото |
 | |||
| Чааһа |
120-с СП, 69-с СД | |||
| Кыргыһыылар/сэриилэр |
| |||
| Наҕараадалара |
| |||
Олоҕун олуктара
уларыт1914 сыллаахха олунньу 4 күнүгэр Бастакы Өспөх нэһилиэгэр Уус-Алдан улууһугар төрөөбүт.
Аармыйаҕа 1942 с. ахсынньытыгар Чурапчы оройуонун военкоматынан ыҥырыллыбыт. I Белоруссия Фронун 65-с аармыйатын 69-с стрелковай дивизиятын 120-с стрелковай полкатыгар сэриилэспит.
1944 с. балаҕан ыйын 5 күнүгэр сулууспалыыр чааһыгар Нарево өрүс арҕаа кытылыгар турар Варшава воеводствотын Пултус повятын Круче-Борен диэн ааттаах дэриэбинэтин таһыгар стратегическай суолталаах плацдаармы ыларга сорудах бэриллибитэ. Бу плацдарм 65-с аармыйа Илин Пруссия кыраныыссатыгар тахсыыны хааччыйыахтааҕа уонна ниэмэстэр илиҥҥи-пруссиятааҕы бөлөхтөрүн төгүрүйэр кыаҕы биэриэхтээҕэ.
М. Стрекаловскай өрүһү бастаан туораан, өстөөх күүстээх утарсыытын аахсыбакка соҕотоҕун 20 чаас устата сэриилэһэн 19 өстөөҕү суох оҥорбута. Ботуруона бүтэн өстөөхтөртөн былдьаабыт гранааталарынан сэриилэһэр. Бааһырдар да көмөҕө кэлбит байыастар санааларын өрө көтөҕөр. Өстөөх кимэн киириитин кэмигэр илиинэн хапсыһыыга иккистээн бааһырар, сэриилэһэр кыаҕын сһтэрдэр да табаарыстарын пулеметтарын диискэлэрин буулдьанан иитэ сытар.
Бу хорсун быһыытын иһин Сэбиэскэй Сойуус Дьоруойугар түһэриллэр. Дөкүмүөн сүтэн, наҕараадатын ылбакка хаалар.[төрүтэ ыйыллыбатах 3745 күн]
Сэрии кэнниттэн 1946 с. демобилизацияланар. Дойдутугар Уус-Алдаҥҥа нэһилиэк Сэбиэтин партийнай тэрилтэтин сэкиритээринэн талыллан уонтан тахса сыл үлэлиир. Сэбиэт алта ыҥырыытыгар дьокутаатынан талыллар. Нэһилиэккэ сэрии уонна үлэ бэтэрээннэрин кэмитиэтин бэрэссэдээтэлинэн үлэлээбитэ.
1989 сыллаахха бэс ыйын 29 күнүгэр өлбүт.
1996 сыллаахха кулун тутар 27 күнүгэр Арассыыйа Дьоруойун аата иҥэриллибитэ[1].
Наҕараадалара
уларыт- Российскай Федерация Дьоруойа (27.03.1996)[2]
- Кыһыл Знамя уордьана (28.09.1944; Сэбиэскэй Сойуус Геройун аатыгар түһэриллибит)[3]
- Аҕа дойду сэриитин I ст. уордьана (06.04.1985)[4]
Үйэлээх аата
уларыт |
Бу баска суолталаах ситэрии ирдэнэр. Ыстатыйа баһын толорон көмөлөһүөххүн сөп, ол кэннэ бу биллэриини сот.
|
Быһаарыылар
уларыт- ↑ Саха саарыннара. Хомуйан оҥордулар Л. Г. Николаев, А. Г. Николаев, Ф. Э. Данилов. — Дьокуускай: «Кудук», 1998. — ISBN 5-7863-0122-2
- ↑ РФ Президенын 27.03.1996 428 №-дээх Ыйааҕа.
- ↑ Наградные документы в электронном банке документов «Подвиг Народа»
- ↑ Карточка награждённого к 40-летию Победы в электронном банке документов «Подвиг Народа»
Сигэлэр
уларыт
Стрекаловскай Михаил Михайлович. Cитим-сир «Герои Страны».
- Якутяне - Герои Советского Союза и Российской Федерации кавалеры ордена Славы 3-х степеней
- В с. Онер состоялось торжественное мероприятие, посвященное 100-летию Героя Российской Федерации Михаила Стрекаловского
 |
Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |