Сыромятникова Анастасия Саввична

Сыромятникова Анастасия Саввична — сэһэнньит, Саха Республикатын уонна Российскай Федерация культуратын Үтүөлээх үлэһитэ, 1957 сылтан ССРС суруйааччыларын сойууһун чилиэнэ.

Олоҕун кэрчиктэрэ

Тохсунньу 24 күнүгэр 1915 сыллаахха Томпо улууһугар төрөөбүтэ. Уобаластааҕы партийнай оскуоланы, М. Горькай аатынан литература институтугар Үрдүкү литературнай куурустары үөрэнэн бүтэрбитэ. Бастакы кэпсээннэрин, очеркаларын 1938 сыллаахха суруйбута. "Хомус" литературнай түмсүүнү салайбыта. 1951 сыллаахха оҕолорго аналлаах "Хопто" ("Чайка") диэн кэпсээннэрин хомуурунньуга Бүтүн Союзтааҕы конкурска кыттан бириэмийэҕэ тиксибитэ.

Айымньылара

• Хопто. - Дьокуускай, 1950
• Көҥүл сардаҥата. - Дьокуускай, 1958
• Дьүөгэлиилэр. - Дьокуускай, 1961
• Дьэдьэннээх халдьаайы. - Дьокуускай, 1963
• Олох сибэккилэрэ. - Дьокуускай, 1966
• Кыыс хотун. - Дьокуускай, 1973
• Киэҥ аартыкка: Сэһэн. - Дьокуускай, 1976
• Таптыыр идэ - дьол: Очеркалар. - Дьокуускай, 1990
• Сүрэх кыыма: кэпсээннэр. - Дьокуускай, 1983
• Үчүгэй оҕолор: кэпсээннэр. - Дьокуускай, 1988
• Хардыылар: Очерк-эссе хомуурунньуга. - Дьокуускай, 1988
• Күөх дуолум барахсан: Роман. - Дьокуускай, 1995