Такыров Николай Васильевич

Такыров Николай Васильевич — педагогическай наука кандидата, РСФСР норуотун үөрэҕириитин туйгуна, Ньурба оройуонун Кукаакы нэһилиэгэр дьадаҥы-бааһынай кэргэнигэр 1928 сыллаахха төрөөбүтэ.

1949 сыллаахха Дьокуускайдааҕы учительскай институту бүтэрбитэ уонна Марха оскуолатыгар история учууталынан үлэлээбитэ. Дьоҕурун, билиитин хаҥатаары Дьокуускайдааҕы педагогичсскай институкка киирбитэ, 1956 сыллаахха бүтэрбитэ уонна Марха орто оскуолатын директорынан анаммыта. Бу сылларга Марха орто оскуолатын коллектива үчүгэй үлэлээҕинэи биллибитэ, ордук технической предметтэргэ оҕолору үөрэтээһин үрдүк таһымҥа тахсыбыта.

Үүнэн иһэр эдэр салайааччы Н.В.Такыров 1959 сыл ахсынньы ыйыгар Ньурба оройуоннааҕы сэбиэтин исполкомун председателинэн талыллан үлэлээбитэ. Кини 1962–1974 сылларга Ньурба 1 №-дээх орто оскуолатын директорынан тахсыылаахтык үлэлээбитэ. Оскуолаҕа политехническай үөрэхтээһиҥҥэ араас өрүтгээх улахан үлэ ыытыллыбыта. Техниканан оту оттооһуҥҥа, хортуоппуйу, оҕуруот араас аһын үүннэриигэ, совхоз фермаларыгар ньирэй көрүүтүгэр үлэлиир элбэх үлэ уонна сынньалаҥ лааҕырлара үлэлииллэрэ. Оҕолор машиноведение уруогар тракторы, массыынаны үөрэтэллэригэр сөптөөх усулуобуйа тэриллибитэ. Оскуола 496 выпускнига аттестаты кытта сэргэ тракторист-машинист идэтин свидетельствотын ылбыттара. Оскуола пришкольнай учаастагар, совхозка, оройуоҥҥа аан бастаан оҕүруот аһын саамай үрдүк үүнүүтүн ылбыттара. Ол түмүгэр IX пятилетка сылларыгар оскуола 24 үөрэнээччитэ Бүтүн Союзтааҕы норуот хаһаайыстыбатын ситиһиитин быыстапкатын кыттыылааҕа буолбуггара, 4 оҕо быыстапка медалынан наҕарааоаламмыта, 14 эдэр сүөһү көрөөччүлэр Бүтүн Союзтааҕы «Артек» пионерскай лааҕырга сынньаммыттара.

«Школа и производство», «Трудовое и производственное обучение», «Опытничество в советской школе» диэи киин сурунаалларга, олохтоох бэчээккэ кини элбэх научнай ыстатыйалара бэчээттэммиттэрэ.

Оскуолаҕа политехническай үөрэхтээһини тэрийии боппуруостарын кытта сибээстээх тиэмэҕэ диссертацияны көмүскээн, республика оскуолаларын директордарын ортотугар аан бастакыннан историческай наука кандидата буолбута.

Н. В. Такыров «В. И. Ленин төрөөбүтэ 100 сыла туолуутун бэлиэтээн. Килбиэннээх үлэтин иһин» медалынан наҕараадаламмыта.

Хомойуох иһин, саамай сиппит-хоппут, айымньылаахтык үлэлиир кэмигэр, 46 сааһыгар олохтон туораабыта.

Өссө маны көр

• Такыров Ян Тимофеевич