Такыров Ян Тимофеевич

Такыров Ян Тимофеевич 1935 сыллаахха Кукаакы нэһилиэгэр колхозтаах кэргэнигэр төрөөбүтэ.

1953 сыллаахха орто оскуоланы бүтэрээт, Москаатааҕы государственнай экономическай институкка уөрэнэ киирбитэ уонна 1958 сыллаахха институту ситиһиилээхтик үөрэнэн бүтэрэн, «Үлэ экономиката» диэн идэни ылбыта. Дьокуускайдааҕы Норуот хаһаайыстыбатын Сэбиэтин ананыытынан, 1958–1960 сс. Ыныкчааннааҕы бириискэҕэ нормировщигынан, инженер-нормировщигынан үлэтин саҕалаабыга.

Ян Тимофеевич 1960 сылтан олоҕун наукаҕа анаабыта, түөрт уонтан тахса сыл устата аата эрэ уларыйар биир Саха Республикатын региональнай институтугар бастаан лаборанынан, кэлин институт секторын сэбиэдиссэйинэн үлэлээбитэ.

Республика салайар органнарын сорудаҕынан араас экспедицияларга, командировкаларга республика бары оройуоннарыгар сылдьан үлэ ресурсаларын таба туһаныы, көдьүүһүн үрдэтии боппуруостарынан элбэхтик дьарыктаммыта. Республика оҥоруулаах күүстэрин сайыннарыы, үлэ ресурсаларын көдьүүстээхтик туһаныы боппуруосгарын туһунан Бүтүн Союзтааҕы, региональнай мунньахтарга, конференпияларга элбэхтик кыттара.

Кини научнай үлэлэрин сүрүн тиэмэтинэн Саха Респубиликатыгар үлэ ресурсаларын үөскэтии уонна туһаныы. Хоту сиргэ рынок усулуобуйатыгар рабочай үлэлээх буолуутун, ону сүрүннээһин проблемалара, боппуруостара буолаллар.

Ян Тимофеевич 76 бэчээттэммит научнай үлэлээх, ол иһигэр «Саха АССР үлэтин ресурсаларын үөскэтии уонна туһаныы» (1990 с.) диэн монография автора, атын автордары кытта холбоһон 11 монографияны суруйсубута.

Кини научнай үлэтин түмүгүнэн экономическай наука доктора буолбута, киниэхэ «ССРС Наукаларын Академиятын Сибиирдээҕи отделениетын үтүөлээх ветеранын» аата иҥэриллибитэ, «Үлэ ветерана» медалынан, Саха АССР Үрдүкү Сэбиэтин Президиумун Бочуотнай грамотатынан наҕараадаламмыта.

Өссө маны көр

• Такыров Николай Васильевич