Федотов Симон Петрович

Федотов Симон Петрович (01.04.1939—14.05.2004) — Саха тыйаатырын артыыһа, Арассыыйа Федерациятын үтүөлээх артыыһа.

Олоҕун олуктара

1939 сыллаахха муус устар 1 күнүгэр Үөһээ Бүлүү улууһун Оҥхой с. Орто сир диэн түбэҕэ төрөөбүт. 1945 сыллаахха Оҥхой начальнай оскуолатыгар 6 саастааҕар маҥнайгы кылааска үөрэнэ киирбит. 1958 сыллаахха Исидор Барахов аатынан орто оскуоланы бүтэрэн баран, комсомол путевкатынан М. Горькай аатынан колхуоска босхоломмут комсомол секретарынан, онтон баҕа өттүнэн тылланан, ньирэй көрөөччүнэн үлэлии барбыт.
1960 сыллаахха Дьокуускайдааҕы кульпросвет училищеҕа үөрэнэ сылдьан, Щепкин аатынан Москватааҕы театральнай училищеҕа актерскай факультекка, саха студиятыгар үөрэнэ барбыта. 1966 сыллаахха бүтэрэн баран Ньурбатааҕы драмтеатрга бүтүн студиянан үлэлии барбыттара. Ньурба театрыгар 1977 с. дылы үлэлээбитэ.
П. А. Ойуунускай аатынан Саха тыйаатырын артыыһа.

Айар үлэтэ

Айар үлэтин М. Шолохов «Тиэриллибит кырыһыгар» дед Щукарь оруолуттан саҕалаабыта.

Тыйаатырга оонньообут оруоллара

• Полоний («Гамлет», У. Шекспир)
• Бэрт Хара («Утро Лены», И. Гоголев, Ф. Потапов туруоруута)
• Орган («Хаарыан хампа күөх кытылым», Ч. Айтматов)
• Куриль («Ханидуо уонна Халерхаа», Семен Курилов)
• Поэт («Мной оставленные песни», А. Борисов, В. Протодьяконов)
• Глостер («Король Лир»)

Наҕараадалара уонна ытык ааттара

• Арассыыйа Федерациятын үтүөлээх артыыһа
• Саха Өрөспүүбүлүкэтин үтүөлээх артыыһа
• ССРС Государственнай бириэмийэтин лауреата (1983)

Аатын үйэтитии

С. П. Федотов аата Оҥхой оскуолатыгар иҥэриллибит (2007)

Сигэлэр

• Саха Академический театр имени П. А. Ойунского:Выпускники актерской студии 1966 года
• Оҥхой нэһилиэгэ. — Дьокуускай, 2007