Филипповтар династиялара- үрүҥ халааттаах аанньаллар

Филиппова Зинаида Васильевна

Эбээм Филиппова (Лю-Куй_Зун) Зинаида Васильевна, алтынньы 9 күнүгэр 1931 сыллаахха Дьокуускай куоратка күн сирин көрбүтэ. Ийэтэ ыалдьан, 8 саастааҕар тулаайах хаалбыта, онтон аҕата омуга китаец этэ, кинини репрессияҕа ыыппыттар, ол иһин эбээм оҕо дьиэтигэр иитиллибит, куораттан 7 километр ыраах , массыына суох, ол иһин сатыы сылдьыбыттар. Сэрии бириэмэтигэр оҕо дьиэтигэр аанньа аһаабакка,өйдөөбөт, сүрдээхтик аччыктаабыттар, кирпииччэ заводыгар үлэлээбиттэр, куорат уулуссатын хомуйбуттар. 8 кылаас кэнниттэн 1951 сыллаахха Фельдшерско-акушерскай салааҕа туттарсан ЯФАШ-ка киирэр. 4 сыл үөрэнэр: 2 сылын оҕо дьиэтигэр олорор, онтон 2 сылын устудьуоннар дьиэлэригэр олорор. Үөрэҕин бүтэрэр, 1954 сыллаахха биэлсэринэн ананан участковай балыыһаҕа Бельгачи дэриэбинэҕэ Алдан улууһугар үлэлии барар. Биир сыл кэнниттэн Кутана дэриэбинэтигэр Алдан улууhугар акушерканан үлэлиир. Антах аналын булбута, эһээм Филиппов Дмитрий Алексеевич, кэргэн тахсыбыта , 2 уол оҕоломмута. 1960 сыллаахха төрөппүт аҕатын булар, кини Казахстаңңа Тимир-Тау диэн куоракка олорор эбит. Кэпсэтиһэн баран Казахстааҥҥа олоро барбыттар. Эбээм биэлсэринэн үлэлээбит химиическэй заводка. Онтон икки сыл буолан баран дойдуларыгар төнньүбүттэр. хата эбээм дьиҥнээх китайскай билимиэни оңорорго үөрэммит. Амма улууһун Болугур дэриэбинэтигэр төннөн кэлбиттэр, эһээм төрөөбүт дэриэбинэтэ эбит. Эбээм биэлсэринэн үлэлээбит ФАП-ка, утуу- субуу төрөөбүт үс кыыһы уонна кыра уолун 40 сааһыгар оҕоломмут. Урут уоппуска диэн суох эбит оҕо көрөөһүнүгэр, эмиий оҕолорун дьааһылаҕа биэрэн баран үлэлии бараллар. хас күн аайы ыңырыынан, арыалааһынан сылдьар уонна массыынаҕа утуйар игин эбит суол куһаҕан буолан. Үлэтин кэмигэр саңа балыыһа туппуттар, сытар балыыһа 10 куойкалаах, үлэлии сырыттаҕына саҥа быраас кэлбит. Ол кэнниттэн дьэ быраастар кэлэн барбыттар.

Дьарыга

2011 сыллаахха 80 сааһын туолбута. Эбээм сэргэх этэ, дьиэ үлэтин барытын үлэлиир : мас хайытар, кыһыннары муус киллэрэр, сирин аhын хомуйарын сөбүлүүр, сайыннары тимир биэдэрэлээх Уу таһар, сайын аайы оҕурсу ордуутунан дьарыктанар этэ. Ортоку кыыһын кытта олорбутта, кыра уола көмөлөһөн дьиэ туппуттара, 2009 сыллаахха малааһын буолбута. 

Саамай сөбүлүүр дьарыга быысыпкалыыр этэ: дойду айылҕатын, кыыллары уонна да атыттар. 200- тэн тахса быысыпкалаах этэ. Элбэх илиинэн оҥорбут оҥоһууктара аймахтар дьиэлэринэн аайы ыйанан тураллар.

На5араадылара

Үчүгэй уһун үлэтин иһин « Ветеран труда»,

1995 с. «50 лет Победы ВОВ»,

1999с. « Ветеран тыла» юбилейнай мэтээллэринэн,

Элбэх махтал суруктарынан,

Грамоталарынан наҕаардаламмыта;

Доруобуйа харыстабылын министиэрстэбититтэн "Почетнай грамота"

Нэһилиэк « Боччуоттаах олохтооҕо» аатын 2005 с. иҥэриллибитэ.

О5олоро

Улахан, орто уонна кыра уола аҕаларын туйахтарын хатаран суоппар идэтин талбыттара. Улахан кыыһа Шишигина Ольга Дмитриевна оскуолатын бүтэрэн. ЯМУ-га киирэн 1981-83сс. Акушерскай идэтин бүтэрэн төрөөбүт Амматыгар роддомҥа үлэлии киирбитэ. Кэргэннээх, 3 оҕолоох. Балыыһаҕа үлэлээбитэ 35 сыла буолла. Ортоку кыыһа Филиппова Анна Дмитриевна. Төрөөбүт совхооһугар 3 сыл үлэлээн баран. 1990-1993сс. Алдан мед училищиятын бүтэрбитэ. 1993-2017сс. Төрөөбүт дойдутугар Аммаҕа Болугур нэһилиэгэр сиэстэринэн үлэлээн, үрдүк категориялаах, доруобуйа харыстабылын туйгуна. Балыыһаҕа үлэлээбитэ 23 сыл. Кыра кыыһа Яковлева Саргылана Дмитриевна мин ийэм, Райчихинскай медицинскэй училищиены бүтэрэн баран. Чурапчыга үлэлэтэ ыыппыттар, 2 сыл үлэлээн баран. 1992 сыллаахха дойдутугар төннөн кэлбитэ, Амма- Наахаратыгар ыыппыттара участковай балыыһатыгар сиэстэринэн үлэлиир, онно үлэлии сылдьан аҕабын көрсөр, кэргэн тахсар, үс кыыс оҕону оҕолонор: улахан кыыһа 2013 -2016 сс Дьокуускай куоратка медицинскай училищетын бүтэрэр, онтон 2016 сылтан үрдүк үөрэххэ туттарсан үөрэнэ сылдьар, ортоку кыыһа быйыл медучилища5а үөрэнэ сылдьар. Ийэм билигин төрөөбүт дойдутугар Аммаҕа Болугур нэһилиэгэр палаатнай сиэстэринэн үлэлиир, доруобуйа харыстабылын туйгуна. Балыыһаҕа үлэлээбитэ 25 сыла.

Стаж

Уопсай стажпыт 126 сыл буолла уонна саҕалана туруоҕа.

туhаныллыбыт сирдэр

хаhыат Амма оло5уттан ылыллыбыт ахтыы 2009с.