Филиппов Аркадий Егорович

Филиппов Аркадий Егорович — Чурапчыга улуус таһымыгар сэбиэскэй, партийнай уорганнарга өр үлэлээбит салайааччы, Чурапчы улууһун Ытык киһитэ, тыыл, үлэ бэтэрээнэ.

Олоҕун олуктара уларыт

1935 с. олунньу 2 күнүгэр Чурапчы улууһун Мэлдьэхси нэһилиэгэр төрөөбүтэ. Дьокуускай куоракка 3 кылааһы бүтэрэн баран салҕыы Мэлдьэхсигэ (1947) 4 кылааһы онтон Дириҥҥэ, Чурапчыга үөрэнэн 10 кылааһы 1954 с. Бүтэрэр. 1954 с. аармыйаҕа ыҥырыллар Курильскай арыылар саамай улаханнарыгар Итуруп арыыга сулууспалаан 1956 с. күһүнүгэр сержант званиелаах кэлэр. 1956-57 үөрэх сылыгар Чурапчы орто оскуолатын интернатыгар счетоводунан, эбии оскуолаҕа худруктуур. 1957-59 сс. СГУ географическай факультетын студена.

1958 с. Клара Пантелеймоновна Слепцовалыын, Уус-Алдан биир бастыҥ спортсменкатынаан дьоллорун холбоон ыал буолбуттара. Үөрэҕэр үчүгэй буолан 1959 сыл күһүнүгэр союз престижнай вузугар көһөрөллөр МГУ географическай факультетын студена буолар. 1966 с. ахсынньытыгар нуучча тылын, география учууталынан үлэлии сырыттаҕына, оскуола директорынан аныыллар. Ити сыл СГУ географическай отделениетын кэтэхтэн үөрэнэн ситиһиилээхтик бүтэрэр. 1967-68 үөрэх сылыгар Сылан орто оскуолатыгар директорынан ананар. Общественноһы, төрөппүттэри кытта үлэ ситиһиилээхтик атаҕар турбута, оскуола түмэр-тэрийэр, үөрэтэр-иитэр үлэтэ биһирэммитэ. Сылан нэһилиэгэр үлэтэ үрдүктүк сыаналанан «Үлэҕэ килбиэнин иһин В.И. Ленин төрөөбүтэ 100 сылын туолар юбилейнан» медалынан наҕараадаланар. Оройуон советын депутатынан талыллар.

1971-75 сс. РОНО сэбиэдиссэйинэн ананан салайар үлэҕэ 30 сыллаах марафонун саҕалаабыта.

1973 с. соцкуоталаһыы значогунан, 2006 с. Педагогическая энциклопедия 3 томугар киллэриллибитэ.

1975-80 сс. Райсовет исполкомун председатэлин солбуйааччытынан талыллар. САССР тэриллибитэ 50 туолар юбилейнай значогунан наҕараадаланар.  

1980-90 сс. Народнай хонтуруол РК председатеоинан талыллан үлэлиир. РСФСР НХ Комитетын Бочуотунай грамотатынан наҕараадаланар.

1990-91 сс. Райком тэрийэр отделын сэбиэдиссэйэ.

1991-2000 сс. Пенсионнай фонда улуустааҕы управлениятын улахан, сүрүн уполномоченнайынан үлэлиир. РСФСР ПФ правлениетын бочуотунай грамотатынан наҕараадаланар. Үлэтин үрдүк таһымнаахтык тэрийэн 1999 с. «Аҕа дойдуга үтүөлэрин иһин» 2 степеннээх орден медалынан наҕараадаланар.

Оройуон сэбиэскэй, партийнай органнарыгар 1971 сыллаахтан 17 сыл депутат, 18 сыл райком чилиэнэ, 1973-80 сс. Райисполком чилиэнэ, 1980-91 сс. Райком бюротун чилиэнэ. Ити сылларга оройуон социально-экономическай сайдыытын былааннарын торумнаспыт, быһаччы олоххо киллэрсибит дуоһунастаах дьоннортон биирдэстэрэ.Ити сылларга хаһаайыстыбаннай тутууларга болҕомто уураннар типовой механизированнай хотоннору, сайылыктары, кинилэри уотунан хааччыйар үрдүк күүрүүлээх уот линияларын, совхозтар аайы типовой киин тутууга, ходуһалары күөлсүтүүгэ, элбэх сыллаах оттору ыһыыга, механизированнай бурдук ыскылааттарын тутууга тэтимнээх үлэ барбыта.

Дьиэ кэргэнэ уларыт

Аркадий Егорович Клара Пантелеймоновналыын 4 оҕону төрөтөн, иитэн ыал оҥортолоон 8 сиэннээхтэр 3 хос сиэннээхтэр.