Франциска Урсула Радзивилл (Радзивилова)
Франци́ска Урсу́ла Радзиви́лл (пол. Franciszka Urszula Radziwiłłowa, белор. Францішка Уршуля Радзівіл; 1705, олунньу 13, Чарторийскай — 1753, ыам ыйын 23) — суруйааччы уонна драматург, Вишневецкэйдэр уустарын тиһэх удьуора, Польшаҕа уонна Белоруссияҕа бастакы дьахтар суруйааччы.
Олоҕун олуктара
уларытКраков каштелянын, Вильно бойобуодатын, Краков бойобуодатын, Пинскэй старостатын кинээс Януш Антоний Вишневецкэй (1678—1741) уонна кини ойоҕо Теофила Лещинскайа (1680—1757, хоруол подчашийин, Подлясскай бойобуодатын, Ковельскай уонна Каменецкай старостатын Вацлав кыыһа) соҕотох оҕолоро.
Дьиэтигэр үрдүк таһымнаах үөрэҕи ылбыт: хас да Европа тылын, аан дойду литэрэтиирэтин үчүгэйдик билэр эбит, хоһоон суруйар эбит. Вишневецкэйдэр дьиэлэригэр айар-тутар эйгэ баара биллэр: Франциска аҕата талааннаах тыл этээччи уонна литератор эбит, духуобунай трактааттары, панегириктары уонна итэҕэл ырыаларын суруйара биллэр. Черторыйскайга кини салайан олордоҕуна капелла баар эбит, оттон княжна абаҕата, Михал Серваций Вишневецкэй тыйаатырдаах эбит уонна онно, сабаҕалааһын быһыытынан, бэйэтэ пьеса суруйар эбит.
Айар үлэтэ
уларытПоэзия
уларытФрантишка Урсула Радзивилл 80-ча араас уһуннаах хоһоон (драманы аахпатахха) ааптара - түөрт устуруокалаахтан сүүс биэс уон устуруокалаахха тиийэ. Жанра уонна уобарастара былыргы гириэк поэзиятыгар олоҕурара (Цицерон, Овидий, Сенека), Арҕаа Европа (бастатан туран Франция) XVII үйэтээҕи поэзияҕа оскуолатыгар тирэнэрэ (Франсуа Молербо, Жан Лабрюер).