Фува
Ситиһии оҕолоро (кыт. 福娃 [фу́ва́] — туруору. ситиһиилээх кыралар, ситиһии кыралара) — 2008 сыллаахха Кытай Пекин куоратыгар ыытыллыбыт Олимпия сайыҥҥы XXIX оонньууларын бигэргэтиллибит ымыылара. Олимпия оонньуулара саҕаланыахтарын 1000 хонук иннинэ, 2005 сыл сэтинньи 11 күнүгэр кинилэр тустарынан кытайдааҕы классическай литератураны үөрэтиигэ Государственнай холбоһуга аан бастаан биллэрбит[1].
Ситиһии оҕото биэс: Бэй-Бэй, Цзин-Цзин, Хуань-Хуань, Ин-Ин уонна Ни-Ни. Кинилэр хас биирдии ааттара оҕоны таптыыр тылга маарынныыр, оттон ол тыллары холбоотоххо кыт. 北京欢迎你 [Бэй-цзин хуань-ин ни] — Пекин эһиги эҕэрдэлиир диэн тахсар. Ону таһынан, хас биирдии ымыы Олимпия тиэрбэһиттэн биирин көрдөрөр.
Майгы-сигили
уларыт| Аата | Бэй-Бэй (贝贝) | Цзин-Цзин (晶晶) | Хуань-Хуань (欢欢) | Ин-Ин (迎迎) | Ни-Ни (妮妮) |
|---|---|---|---|---|---|
| Кыыс-уол буолара | кыыс | уол | уол | уол | кыыс |
| Олимпия тиэрбэһэ | Халлаан күөҕүн сырдыга | Хара | Кыһыл | Араҕас | От күөх |
| Көстүүтэ | Балык | Улахан паанда | Олимпия уота | Тибет антилопата | Хараҥаччы |
| Майгыта | Холку, дьаныардаах | истиҥ, эйэҕэс | аһаҕас, сэниэлээх | сытыы, үөрүнньэҥ | судургу, көрдөөх-нардаах |
| Ис хоһооно | Этэҥҥэ буолуу | Дьол | Үлүскэн | Чөл турук | Ситиһии |
| Спорт көрүҥэ | Спорт ууга көрүҥнэрэ | ыарахан атлетика, көҥүл тустуу, о.д.а. | хамаанданан спорт көрүҥэ | чэпчэки атлетика | спортивнай уонна уус-уран гимнастика |
| Культурнай төрдө | Кытай саҥа дьылынааҕы үгэс буолбут лотос уонна балык ойуута; балык ойуута неолит кэминээҕи | Улахан паанда; Сун династия саҕанааҕы лотос быһыылаах фарфор оҥоһуктар | Могао хаспаҕын ойуулара | Тибет антилопата, тибет уонна синьцзян төрүт таҥаһа | хараҥаччы; пекин салгыҥҥа көтөр хараҥаччы быһыылаах змейдэрэ |