Харитонов Николай Николаевич (артыыс)

Харитонов Николай Николаевич — уус-уран киинэҕэ уһуллубут бастакы саха артыыстарыттан биирдэстэрэ, Саха АССР үтүөлээх артыыһа.

Өлүөхүмэҕэ Кээччи нэһилиэгэр 1915 сыллаахха төрөөбүт.

1936 сыллаахха А.В. Луначарскай аатынан Москубатааҕы тыйаатыр ускуустубатын государственнай институтун бүтэрбит. 1935 сыллаахха устудьуоннуу сылдьан пионер баһаатай оруолун «Пропавшее звено» киинэҕэ оонньообут. Киинэни «Востокфильм» устуудьуйа устубута, экрааҥҥа 1935 с. тахсыбыта.

Институту бүтэрэн баран Саха тыйаатырыгар үлэлээбит. «Ньургун Боотур» операҕа Үрүҥ Уолан оруолун толорбут. 1955 с. Саха АССР үтүөлээх артыыһа аат иҥэриллибит.

Кэргэнэ Дария Даниловна Слепцова – Саха тыйаатырын артыыһа.

1960 сыллаахха өлбүт.

Эбии маны көр

• Табунасов Никон Семенович