Хаһаачыйа

Хаһаачыйа национальнай нэһилиэк. Усуйаана улууһун нэһилиэгэ, киинэ Хаһаачыйа.

Усуйаана нэһилиэк Усуйаана улууһун каартатыгар

Улуус кииниттэн 350 км. хотугулуу- арҕаа диэкки Дьааҥы өрүскэ сытар.Революция инниттэн биллэр Хотугу эргимтэҕэ нэһилиэнньэлээх пуун.Нуучча хаһаахтара төрүттээбиттэрэ 17 үйэҕэ. Кэлин 1957 с-ха диэри улуус киинэ.Баай историялаах нэһилиэк.1960 с-тан "Усуйаана" диэн бөдөҥ сопхуос киинэ.Орто оскуола, интэринээт, оҕо саада,улуустааҕы култуура дьиэтэ,ДЭС, квартальнай котельнай, почта, атыы-эргиэн тэрилтэлэрэ үлэлии тураллар.

Нэһилиэнньэттин ахсаана 1506 киһи (2007 сыл).Омугунан үксэ сахалар, 100-кэ сахатыйбыт эбээннэр уонна аҕыйах нууччалар.Билигин сүрүн дьарыктара балыктааһын.Хас да араас бас билии формалаах балыктыыр тэрилтэлэр бааллар.Сылга уопсай баалабай бородууксуйалара 4000 цнт.тахса балык буолар. Нэһилиэккэ 2 таба ыстаадата сыһыарыллыбыта, онно 20 киһи үлэлиир. Урукку курдук булт суох.Дьокуускай куораттан уонна улуус иһинээҕи таһаҕаһы тиэйиигэ (Тумат, Хайыр, Дьүкээгир) элбэх чааһынай массыына үлэлиир. Биллиилээх олорон ааспыт уонна төрүт уус дьон олус элбэх.Ону туспа сырдатыы наада. Баһылык Лаврентьев Леонид Васильевич, солбуйааччы Томский Егор Алексеевич.

Хаһаачыйа куйаартан көстүүтэ

Биллэр көстөр дьонноро

Григорьев Герасим Егорович, Никифоров Николай Михайлович, Попов Николай Иннокентьевич (Күндүлүн), Стрижев Пётр Иннокентьевич, Санников Яков Федорович, Горохов Василий Иванович.

Григорьев Семен Егорович, реликтовай фаунаны чинчийбит биллэр саха учуонайа, Сэлии түмэлин дириэктэрэ Хаһаачыйаҕа улааппыта, оскуоланы бүтэрбитэ (Амма Болугурагр төрөөбүт).

• 1945 сыл кулун тутар 28 күнүгэр төрөөбүтэ Федорова Евдокия Николаевна — география билимин доктора.

Бэлиэ сирдэр

• 1923 сыллаахха кыргыһыыга өлбүт 18 Кыһыл сэрииһиттэр уҥуохтара.

• Улуу сэриигэ өлбүт Портнягин И.В. уонна Васильев В.Р. пааматынныктара.

Ылыллыбыт сирэ

Энциклопедия Якутии, М., 2000 г.