Ходулов Дмитрий Федорович

Ходулов Дмитрий Федорович (04.08.1912—03.10.1976) — ССРС народнай артыыһа, Саха АССР народнай артыыһа.

Ходулов Дмитрий Федорович

Олоҕун олуктара

Баатара нэһилиэгин (билигин Мэҥэ-Хаҥалас улууһа) Булгунньах диэн сиргэ 1912 сыллаахха атырдьах ыйын 4 күнүгэр төрөөбүтэ. 12 саастааҕар дьоно Төхтүргэ көспүттэрэ, онно икки кылааһы бүтэрбитэ, онтон ликбезкэ үөрэммитэ.

20 саастааҕар Д. Ф. Ходулов Дьокуускайга барар уонна музыка-драма тыйаатырын драматын устуудьуйатыгар үөрэнэ киирэр. 1934 сыллаахха бүтэрэн баран Саха сиринээҕи Ойуунускай аатынан музыка-драма тыйаатырын труппатыгар үлэлии киирэр. Д. Ф. Ходулов бастакы оруола — В. Чиряев «Саһыл Сыһыы» драматыгар кыһыл армеец. 1960-с сылларга режиссуранан дьарыктаммыта.

Дмитрий Ходулов 1962 сыллаахха туруорбут «Сыгый Кырынаастыыр» диэн спектээкилэ, дьон биһирэбилин ылбыт бастакы эпическэй туруоруу буолбута. ССРС Үрдүкү Сэбиэтин 6-с ыҥырыытын дьокутаата. Саха АССР Үрдүкү Сэбиэтин 5-с ыҥырыытын дьокутаата, Президиумун чилиэнэ.

Наҕараадалара уонна ытык ааттара

• Саха АССР үтүөлээх артыыһа (1947)
• Саха АССР норуодунай артыыһа (1955)
• ССРС народнай артыыһа (1958)
• Үлэ Кыһыл Знамятын уордьана (1967)
• Октябрьскай Революция уордьана (1972)
• «За доблестный труд в Великой Отечественной войне 1941—1945 гг.» мэтээл
• «За трудовое отличие» мэтээл (1957)
• «За доблестный труд. В ознаменование 100-летия со дня рождения Владимира Ильича Ленина» мэтээл
• «Ветеран труда» мэтээл
• Мэҥэ-Хаҥалас улууһун Ытык олохтооҕо (1985)

Кини туһунан

• Дмитрий Максимов. «Актер Дмитрий Ходулов».

Өссө маны көр

Саха норуодунай артыыстарын тиһигэ

Сигэлэр

• Дмитрий Ходулов 100 сааһыгар
• Влюбленный в театр. Народному артисту СССР Дмитрию Ходулову — 100 лет
• 100 лет со дня рождения Д. Ф. Ходулова, народного артиста СССР и ЯАССР Архыыптаммыт 2007, Алтынньы 13 күнүгэр.