Черскэй Иван Дементьевич

Черскэй Иван Дементьевич (Поляктыы: Jan Czerski) - көскө олорбут, Сибиири чинчийээччи, геолог. Виленскай губернияҕа 1845 сыллаахха төрөөбүтэ. Вильно куоракка (билигин Вильнюс, Литва) гимназияҕа уонна дворяннар институттарыгар үөрэммитэ.

Черскэй И.Д.

1863 сыллаахха поляктар нууччалары утары өрө турууларыгар кыыттыбыта. Ол түмүгэр Сибииргэ Омскай куоракка сыылкаҕа барбыта.

Сибииргэ тиийээт геологиянан дьарыктаммыта. 1871 сылаахха Иркутскайга көһөн кэлбитэ. Манна Географическай уобсастыба Сибиирдээҕи салаатыгар үлэлиир.

Геологияны чинчийиигэ ситиһиилэрин иһин кинини Саха уобалаһын хотугулуу-илин өттүгэр экспедицияҕа ыыталлар. Бу экспедицияҕа сылдьан 1892 сыллаахха Халыма кытылыгар өлөр. Омолоон өрүс төрдүн утары көмүллүбүтэ.

Кини аатынан улахан хайа сиһэ уонна Аллараа Халыма улууһун киинэ ааттаммыттара.

Ылыллыбыт сирэ

Энциклопедия Якутии, М., 2000 г.

Сигэлэр

• Иван Дементьевич Черскэй Архыыптаммыт 2016, Кулун тутар 14 күнүгэр.
• Черскэй бөһ. Архыыптаммыт 2009, Кулун тутар 7 күнүгэр. саайта уонна фуорума Архыыптаммыт 2009, Кулун тутар 7 күнүгэр., Иван Дементьевич Черскэй аатынан ааттаммыт
• Русский Биографический Словарь www.rulex.ru.
• Шишанов В. А. Мавра Черская: время воспоминаний. — Витебск: БелНДІДАС, 2002. — С. 111—120.