Шавкунов Егор Иванович

Шавкунов Егор Иванович (09.08.1913, Шадринскай — 23.08.1944) — Аҕа дойду Улуу сэриитин кыттыылааҕа, Сэбиэскэй Сойуус Дьоруойа (1945).

Шавкунов Егор Иванович
Төрөөбүт күнэ	9 атырдьах ыйын 1913({{padleft:1913|4|0}}-{{padleft:8|2|0}}-{{padleft:9|2|0}})
Өлбүт күнэ	23 атырдьах ыйын 1944({{padleft:1944|4|0}}-{{padleft:8|2|0}}-{{padleft:23|2|0}}) (31 сааһыгар)
Сулууспалаабыт дойдута	ССРС ССРС
Сулууспалаабыт сыллара	1941—1944
Солото	Рядовой
Кыргыһыылар/сэриилэр	Аҕа дойду Улуу сэриитэ
Наҕараадалара

Олоҕун олуктара

1913 сыллаахха атырдьах ыйын 9 күнүгэр Шадринскай куоракка (билиҥҥи Курган уобалаһыгар) сулууспалаах дьиэ кэргэнигэр төрөөбүт. Омуга нуучча. Алын кылаас үөрэхтээх. 1920-с сыллар бүтэһиктэригэр дьиэ кэргэнинээн Дьокуускайга көһөн кэлбит. 17 сааһыттан икки сыл кэриҥэ Алдаҥҥа кыһыл көмүһү хостуур бириискэлэргэ үлэлээбит. Ол кэннэ Дьокуускайга төннөн, тутааччылар куурустарын бүтэрбит, тутуу тэрилтэтигэр үлэлээбит.

1941 сыл атырдьах ыйыгар Дьокуускай куорат военкоматынан Кыһыл Аармыйаҕа ыҥырыллыбыт. Сапер идэтин ылбыт. 1943 сыл олунньутуттан Арҕаа, 2-с Белорусскай фроннарга сэриилэспит.

1944 сыллаахха атырдьах ыйын 23 күнүгэр Трушки-Велики дэриэбинэ таһыгар кыргыһыыга өлбүт.

ССРС Үрдүкү Сүбэтин Президиумун 1945 сыл кулун тутар 24 күнүнээҕи Ыйааҕынан сержант Шавкунов Егор Иванович Сэбиэскэй Сойуус Геройун аата иҥэриллибитэ.

Наҕараадалара

• «Кыһыл көмүс Сулус» мэтээл (24.03.1945)
• Ленин уордьана (24.03.1945)
• «Хорсунун иһин» мэтээл (29.09.1943)

Сигэлэр

 Шавкунов Егор Иванович. Cитим-сир «Герои Страны».

• Якутяне - Герои Советского Союза и Российской Федерации кавалеры ордена Славы 3-х степеней
• Иван Негенбля, Александр Калашников. Улица имени сапёра // Якутия : хаһыат. — 09.08.2013. — № 144.