Эр киһи

Эр киһи — киһи-аймах атыыр өттө (иккис өттө дьахтар дэнэр), улахан эр киһини уолтан арааран эмиэ эр киһи дииллэр.

Микеланджело оҥорбут Давид скульптуурата, арҕааҥы цивилизацияҕа эр киһи тас көстүүтүн идеалларыттан биирдэстэрэ

Эр киһини атыннык ааттааһын

13-15 сааһыгар дылы эр киһини уол диэн ааттыыллар. Сиппит-хоппут уолу уолан дииллэр, онтон улааттаҕына эр киһи буолар. Эр киһи ойох ыллаҕына ойоҕор эр (кэргэн) буолар. Эр киһи оҕолоругар аҕа, сиэннэригэр эһэ буолар. Кырдьыбыт эр киһини оҕонньор дииллэр.