Алексеев Егор Николаевич
Алексеев Егор Николаевич (1883—20.04.1957) — аатырбыт саха муосчута, ССРС худуоһунньуктарын Сойууһун чилиэнэ.
Олоҕун олуктара
уларыт1883 сыллаахха II Тыллымы нэһилиэгэр төрөөбүт.
Искусствоведтар билиниилэринэн уус муостан оҥорууну искусство таһымыгар таһаарбыт дьонтон биирдэстэрэ. Араас техниканан оҥоһуктары оҥорор этэ гынан баран, табыллан үгэс буолбут рельефтаах уонна ойута быһан оҥоруулаах хаптаҕай оҥоһуктары кыһар этэ («Өстөөҕү самнарар саха аттаах буойуна», пластиналар: «Эһэни бултааһын», «Табалаах булчут» — 1947; тараах «Кырса», 1953))[1].
Кумааҕы быһар «Якутия» диэн аатынан биллэр быһаҕа (1949) И. Сталиҥҥа бэлэхтэммитэ. Билигин СӨ Национальнай уус-уран музейыгар харалла сытар.
1957 сыллаахха муус устар 20 күнүгэр Дьокуускайга өлбүт.
Дьиэ кэргэнэ, аймахтара
уларыт- Уола — Алексеев Ефим Георгиевич (1912—1972), Саха АССР оскуолатын үтүөлээх учуутала.
- Сиэнэ — Алексеев Эдуард Ефимович, этномузыковед, искусствоведение доктара, Саха Өрөспүүбүлүкэтин Духуобунаһын Академиятын] академига[2].
Быһаарыылар
уларыт- ↑ Национальный художественный музей Республики Саха (Якутия) Авт.-сост Г. Сафронова и др. — Якутск: Сахаполиграфиздат, 2001
- ↑ Как дед Егор Сталину подарок дарил Архыыптаммыт 2008, От ыйын 24 күнүгэр.
|
Бу худуоһунньукка сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп. |