Егоров Николай Николаевич - Нукутта

Егоров Николай Николаевич — Нукутта — оһуокайдьыт, тойуксут, норуот ырыаһыта.

1921 сыллаахха ыам ыйын 22 күнүгэр Сэргэй Эбэтэ сиргэ диэн Оҥхой нэһилиэгэр төрөөбүтэ. Кыра сааһыттан олоҥхону тойугу сэргээн истэ улаппыт. Аан бастаан Оҥхой ыһыаҕар 15 саастааҕар үҥкүү тылын эппит. Кырдьаҕас саастаах өттө биһирээн Тойон Айаҕы (чороону) көтөхтөрбүттэр. Үҥкүүһүт быһыытынан Бүлүү бөлөх улуустарыгар аата-суола киэҥник биллэрэ. Хас да төгүл Бүлүү түбэтин оһуокайдьыттарын күрэҕэр 1-2 миэстэлэри ылбыта. Ньурба улууһун хас да төгүллээх лауреата, С.А. Зверев-Кыыл Уолун аатынан бириис 4 төгүллээх хаһаайына.

1991 сыллаахха Ыччат республикатааҕы ыһыаҕар бастакы миэстэҕэ тиксибитэ. Ити сыл Сибиир норуоттарын фольклорун сериятыгар тахсыбыт кинигэҕэ Нукутта хас да тойуга суруллан тахсыбыта.

Ылыллыбыт сирэ уларыт

  • Лосотов В.С. Айылҕаттан айыллыбыт талааннар. 1 чааһа — Оҥхой нэһилиэгэ. 2007