Кириллин Николай Васильевич

Кириллин Николай Васильевич, 1935 сыл, ыамыйын 19 күнүгэр, Сунтаар улууһун, Күүкэй нэһилиэгэр төрөөбүтэ. СӨ үөрэҕириитин туйгуна, РФ научнай тэрилтэлэрин уонна урдүкү оскуолатын үлэһиттэрин профсоюһун Бочуотунай грамотата, Саха АССР Министирдэрин Сэбиэтин Президиумун Бочуотунай грамотата.

Олоҕун олуктара

Николай Васильевич педагогическай үлэтин 1955 -1956 үөрэх сылыгар Түбэй-Дьаахан орто оскуолатын алын кылааһын учууталынан саҕалаабыта.

1962 сыллаахха СГУ физико-математическай факультетын физика салаатын үөрэнэн бутэрбитэ.

1962-1964 сылларга Элгээйи орто оскуолатыгар физика учууталынан үлэлээбитэ.

1964 с. Сунтаар 2 №-дээх оскуолатыгар физика уонна математика учууталынан көспүтэ.

1968-1971 сс. Сунтаар киэһээҥҥи оскуолатын физика учууталынан уонна директоры солбуйааччынан үлэлээбитэ, ону таһынан, 1969 с. Сунтаар маһы таҥастыыр кэмбинээт директоры солбуйааччытынан анаммыта.

1971 с. - ССКП оройуоннай комитета Николай Васильевиһы Сунтаар 1 №-дээх орто оскуолатыгар физика учууталынан ыыппыта.

1976 с. - Сунтаардааҕы районо быһаарыытынан Арыылаах орто оскуолатын директорынан ыыппыттара.

1978-1984 сс. - Сунтаар 23 №-дээх профтехучилище директоры үөрэх уонна производство чааһыгар солбуйааччынан үлэлээбитэ.

1984-1988 сс - үөрэх үлэһиттэрин профсоюһун бэрэссэдээтэлинэн үлэлээбитэ.

1988 -2009 сс. 2 №-дээх Сунтаар орто оскуолатын директоры солбуйааччынан, онтон физика уонна история учууталынан улэлээбитэ.

Үлэһит эдэр ыччаты үөрэтиигэ үтүө суобастаах үлэтин иһин Николай Васильевич 23 №- дээх Сунтаар профтехучилищетын Бочуот кинигэтигэр киирбитэ. СӨ үөрэҕириитин туйгуна, РФ научнай тэрилтэлэрин уонна урдүкү оскуолатын үлэһиттэрин профсоюһун бочуотунай грамотатын хаһаайына, Саха АССР Министирдэр Сэбиэттэрин Президиумун бочуотунай грамотатын хаһаайына, ”Победитель социалистического соревнования 1974 с» бэлиэ хаһаайына.

Наҕараадалара, ытык ааттара

• Саха Өрөспүүбүлүкэтин үөрэҕириитин туйгуна.
• Педагогическай үлэ ветерана.