Кочнев Михаил Пантелеймонович

Михаил Пантелеймонович Кочнев
	Михаил Пантелеймонович Кочнев
Төрөөбүт күнэ:	27 тохсунньу 1928
Төрөөбүт сирэ:	Александровка, Саха АССР
Дойдута:	ССРС → Арассыыйа
Өлбүт күнэ:	20 атырдьах ыйын 2002 (74 сааһыгар)
Аҕата:	Кочнев Пантелеймон Иннокентьевич

Кочнев Михаил Пантелеймонович (27.01.1928, Александровка, Ньурба улууһа — 20.08.2002) — Саха АССР олоххо-дьаһахха миниистирэ (1983—1987), Саха Өрөспүүбүлүкэтин ытык киһитэ.

Бикипиэдьийэҕэ маннык араспаанньалаах дьон туһунан ыстатыйалар бааллар, көр Кочнев.

Олоҕун олуктара

1928 сыллаахха тохсунньу 27 күнүгэр Саха АССР Александровка с.^[1] учуутал дьиэ кэргэнигэр төрөөбүт.
1942 сылтан — Тулагы-Киллэм алын сүһүөх оскуолатыгар учууталлаабыт.
1946 с. — Дьокуускайдааҕы рыбопромышленнай техникуму бүтэрбит. Арҕаа Сахалиннааҕы балык комбинатыгар механическай мастерскойга бухгалтерынан үлэлээбит.
1949 сылтан — ССКП чилиэнэ.
1947—1959 сс. — комсомолга үлэлээбит: учуот секторын сэбиэдиссэйиттэн ЫБСЛКС Саха Сиринээҕи обкомун иккис секретарыгар тиийэ.
1954 с. — Алдан райкомугар бастакы секретарынан талыллыбыт, сыл аҥара буолан баран Дьокуускайга комсомол үлэтигэр анаммыт.
1963 с. — Новосибирскайдааҕы Үрдүкү партийнай оскуоланы бүтэрбит. ССКП Саха Сиринээҕи обкомугар тэрийэр-партийнай салаа инструкторынан, Саха АССР Миниистирдэрин иһинэн физкультура уонна спорт республикатааҕы комитетын бэрэссэдээтэлинэн үлэлээбит.
1966, тохсунньу 1 — 1975, ахсынньы 3 — Алдан депутаттарын оройуоннааҕы Сүбэлэрин исполкомун бэрэссэдээтэлэ.
1975 ахсынньы — 1983 сс. — норуодунай депутаттар Нерюнгри куораттааҕы Сүбэлэрин исполкомун бэрэссэдээтэлэ.
1983—1987 сс. — Саха АССР олоххо-дьаһахха миниистирэ.

1987 сыллаахха пенсияҕа тахсыбыт. Саха АССР Үрдүкү Сүбэтин түөрт ыҥырыыларын депутатынан талылла сылдьыбыта. «Нерюнгри. Дневник первого председателя», «Славные пятидесятые годы комсомола Якутии» кинигэлэри суруйбут.

1995 сылтан Москва уобалаһыгар олорбут. 2002 сыллаахха атырдьах ыйын 20 күнүгэр ыалдьан өлбүт.

Наҕараадалара уонна ытык ааттара

Октябрьскай Революция уордьана
Үлэ Кыһыл Знамятын уордьана
Норуоттар Доҕордоһууларын уордьана
«Бочуот Бэлиэтэ» уордьан
«Үлэҕэ уһулуччутун иһин» мэтээл
«Килбиэннээх үлэ иһин. Владимир Ильич Ленин төрөөбүтэ 100 сааһын бэлиэтээн» мэтээл
«Аҕа дойду сэриитигэр 1941—1945 сс. килбиэннээх үлэ иһин» мэтээл
«Байкал-Амур магистралын тутуу иһин» мэтээл
«Шахтерская Слава» 3 ст. бэлиэ
Саха Өрөспүүбүлүкэтин ытык киһитэ (2000)^[2]
Саха АССР норуотун хаһаайыстыбатын үтүөлээх үлэһитэ
Мэҥэ-Хаҥалас улууһун ытык киһитэ (1975)
Алдан оройуонун ытык киһитэ (1982)
Нерюнгри оройуонун ытык киһитэ (1987)

Үйэлээх аата

М. П. Кочнев аата Нүөрүҥгүрү 1 №-дээх орто оскуолатыгар иҥэриллибит (Саха Өрөспүүбүлүкэтин Президенын 04.11.2010 339 №-дээх Ыйааҕа)^[3]

Аймахтара

Аҕата — Кочнев Пантелеймон Иннокентьевич, Саха АССР оскуолатын үтүөлээх учуутала, Ленин уордьанын кавалера.
Инитэ — Кочнев Валерий Пантелеймонович (төр. 1931), педагогика билимнэрин доктора, М. К. Аммосов аатынан ХИФУ профессора.

Быһаарыылар

↑ Билиҥҥи Ньурба улууһа.
↑ Официальный информационный портал Республики Саха (Якутия): Почетные граждане Республики Саха (Якутия)
↑ Присвоение имени Михаила Кочнева Архыыптаммыт 2016, Кулун тутар 4 күнүгэр.

Сигэлэр

Кочнев Михаил Пантелеймонович
Кочнев Михаил Пантелеймонович Архыыптаммыт 2011, Балаҕан ыйын 4 күнүгэр.
Первые: Главы города Нерюнгри от «А» до «Я». — Нерюнгри: МБУ НГБ, 2012.

[1] Билиҥҥи Ньурба улууһа.

[2] Официальный информационный портал Республики Саха (Якутия): Почетные граждане Республики Саха (Якутия)

[3] Присвоение имени Михаила Кочнева Архыыптаммыт 2016, Кулун тутар 4 күнүгэр.

[1]

[2]

[3]