Мухаммад Йунус

Мухаммад Йунус (бенг. মুহাম্মদ ইউনুস; төр. 1940 бэс ыйа 28 к., Бенгалия, Британия Индията, билигин Бангладеш) — бангладеш банкира, экономика профессора, экономика уонна түмэт алларааттан сайдыытыгар Нобель эйэ бэриэмийэтин 2006 сыллаах лауреата.

Мухаммад Йунус. 2009 сыллааҕы Аан Дойду экономикатын форумугар.

Олоҕо

Бангладеш саамай кыргдьаҕас үөрэҕин кыһатын — Дакка Университетын (бакалавр, 1960; магистр 1961) бүтэрбитэ. 1965 сыллаахха Фулбрайт стипендиятын ылан АХШга 1971 Вандербильт Университетын экономика доктарынан бүтэрбит. 1970 сылтан 1972 с. дылы Теннеси штат Университетын экономикаҕа профессорынан үлэлээбит. Онтон Читтагонг Университетыгар экономиканы үөрэппит. 1976 сыллаахтан университет сайдар проект менеджера буолбут. 1976 сыллаахха дойдутугар Бангладешка төннүбүт. Биир дьадаҥы дэриэбинэҕэ сылдьан олохтоох ростовщиктар хабалаларыгар киирбит дьон быстар дьадаҥытык олороллорун көрбүт. Онтон сылтаан бэйэлэрэ үүннэрбит продукцияларын иэстээх дьонноругар босхо эрэ үрдүнэн биэрэргэ күһэллэллэр эбит. Йунус дьадаҥылар иэстэрин бэйэтэ саппыт уонна кыра быраһыаҥҥа иэс биэрэр системаны олохтообут. Ол саҕана сорохтор Йунус үлэтин дьиктиргии көрбүттэрэ. Ол эрэн кини биэрбит иэстэрэ улахан аҥаара төннөр эбиттэр, төннүбэт иэс 3 быраһыантан кыра эбит. Онон Мухаммад Йунус микрокредитование концепциятын олохтоон Grameen Bank диэни тэрийбит. 1996 сылтан Бангладеш бырабытылстыбатын сүбэһитэ буолбут. 2006 сыллаахха Нобель эйэ премиятын ылбыт.