Мымах

Былыргы сибиир "запискаларыгар" суруллубутунан, Мымах Красноярскай остуруогу олохтообут уонна Өлүөнэ устун айаннаабыт диэн Калашников диэн ааттаах саха архивиһын кинигэтигэр этиллибит. Страленберг санаатынан, сахалары Орто Өлүөнэҕэ Дэҥси Дархан Тегин аҕалбыт. Саха үһүйээннэригэр Мымах аата көстүбэт, ол оннугар үһүйээннэргэ барыларыгар хаһаахтар Саха сирин сэриилээн ылар кэмнэринээҕи сахалар баһылыктарынан Тыгын буолар. Мымах, Тыгын курдук, тоһуурга түбэһэн нуучча кириэппэһигэр өлөр. Үһүйээннэргэ Тыгын, Мымах курдук, бүтүн сахалар сэриилэринэн, Дьокуускай остуруогун төгүрүйүүтүнэн салайар. Воевода П.Головин өһүөнүттэн Дьокуускай остуруогар Мымаҕы аччыктатан өлөрбүт. Онон, хаайыыга Мымах аатын түһэн биэрбэтэх уонна геройдуу өлбүт. Кини нуучча челобитнайдарыгар Мымак диэн ааттаммыт, ол эрэн Петр Бекетов кини аатын Мамык диэн суруйар эбит.
Тыгын уонна Нам улууһун тойоно Мымах биир киһи буолуон сөп диэн саха лингвиһа Новгородов этэрэ. Кини санаатынан, "Мымах" диэн буортуламмыт "Мамык" - баһылык, тойон. Оттон "Тыгын" диэн тылы түүрдүү "тегин" - принц - диэн тылы кытта ситимниэххэ сөп, оччоҕуна тойон Мымак диэни Тыгын Мымак диээххэ сөп.