Огрызко Иосафат Петрович

Иосафат Петрович Огрызко (пол. Jozafat Ohryzko; белор. Іасафат Пятровіч Агрызка) (1826 — 1890), биллиилээх Польша көҥүл иһин охсуһуутун деятелэ, Белоруссия дворянина, Петербурга польскай хаһыат таһаарааччыта. Бэйэтин кэмигэр өрөбөлүүссүйэ оҥорооччуларга улаханнык ытыктанар киһи эбит. 1865 сыллааха Сибииргэ хаатыргаҕа ыытыллыбыт (олунньу 1866 күнүгэр Тобольскай этаабыгар ыалдьан биир нэдиэлэ сыппыт). Нууччалар уонна поляктар бастаанньаларын тэрийбит дьон кинини Свободаславия диэн ааттаныахтаах Сибиир өрөспүүбүлүкэтин салайааччытынан буолуо диэн бүк эрэнэллэр эбит. 4 сыл суос-соҕотох киниэхэ анаан тутуллубут хаайыыга Бүлүү куоратыгар сыппыта. Ол сытаргыра аата да ааттаммат этэ, аҥардас нүөмэрэ эрэ - № 11 - биллэр этэ. 1871 сылтан Дьокуускайга көскө олорбута. Онно тыа хаһаайыстыбатынан сүөһү иитиитэн дьарыктанар этэ, олохтоохтор биһирэбиллэрин ылбыта. Бу кэннэ Огрызко көскө Верхоленскайга уонна Иркутскайга сылдьыбыта, көмүс хостооһунунан дьарыктаммыта уонна көмүс хостооччуларга адбакаат быһыытынан сылдьыбыта.

Огрызко Иосафат Петрович

1890 сыллааха Иркутскайга өлбүтэ.

И. Огрызко туһунан матырыйааллар Бүлүүтээҕи кыраайы үөрэтии музейыгар харалла сыталлар.

• А.А.Калашников, Якутия. Хроника. Факты. События. 1632-1917 гг, Якутск, Бичик, 2000. - 480 с. ISBN 5-7696-1200-2.