Отов Егор Николаевич

Отов Егор Николаевич, «Хоро нэһилиэгин бочуоттаах олохтооҕо», Саха Республикатын тыатын хаһаайыстыбатын бэтэрээнэ

Олоҕун кэрчиктэрэПравить

Отов Егор Николаевич 1931 сыллаахха Далыр Трудовойун Ойбон Күөл диэн алааһыгар төрөөбүтэ. Егор Николаевич 1948 сылтан, баара суоҕа 17 сааһыттан саҕалаан хас да нэһилиэги хабан үлэлиир Далыр, Боотулуу почталарыгар, онтон оройуон киинигэр Үөһээ-Бүлүү, Бүлүү куоратын почтовай отделениеларыгар почтальонунан, агенынан, почта начальнигар тиийэ үлэлээн үлэтин саҕалаабыта. Бу кэмнэргэ Сибээс Министрин солбуйааччыта Макрыгин кэлэ сылдьан, кини этиитинэн Егор Николаевиһы Дьокуускай куоракка почта начальнигын курсугар үөрэттэрбиттэрэ. Почта начальнигынан 1958 сылга диэри үлэлээбитэ. 1958 сылтан Бүтүн Союзка производствоҕа тахсыы бачыыма саҕаламмыта. Почтаҕа начальнигынан үлэлии олордоҕуна Комсомол РК Бюротун уурааҕынан Сталин аатынан колхозка – Далырга босхоломмут комсомольскай тэрилтэ секретарынан үлэлииргэ анаабыттара. 1961 сыллаахха «Тракторист-машинист широкого профиля» идэҕэ Дьокуускай куоракка үөрэххэ ыыппыттара. Үөрэҕин кэннэ оччолорго бөдөҥсүйбүт Ленин аатынан колхозка, Хороҕо тракторнай биригээдэни салайан үлэтин саҕалаабыта. 1963 сыллаахха Дьокуускайга советскай-партийнай оскуолаҕа үөрэххэ ыыппыттара. Егор Николаевич Советскай-партийнай оскуола үөрэҕин кытары тэҥҥэ, сэргэ Красноярскайга, Московскай филиалга, бухгалтер үөрэҕэр кэтэхтэн үөрэммитэ. Үөрэҕин кэнниттэн 1966 сылга диэри «Үөһээ-Бүлүү совхозка» техника бухгалтерынан үлэлээбитэ. 1966 сылтан 1974 сылга диэри Партия уурааҕынан Оҥхойунан, Маҥааһынан, Дүллүкүнэн управляющайынан ананан үлэлээбитэ. Манна үлэлээбит сыллара кылгас да буоллар, үлэлээбит суолун бэлиэтэ хаалбыта. 1974 сыллаахха дьиэ кэргэнинээн Хороҕо көспүттэрэ. Ордук таһаарыылаах үлэтэ манна саҕаламмыта. Хороҕо ынах-сүөһү биригэдьииринэн ананан үлэтин саҕалаабыта Өр сылларга сыралаах үлэтэ хайҕанан Партия Уобаластааҕы Комитетын Почетнай грамотатынан, Саха Республикатын Почетнай Грамотатынан, Профсоюз обкомун Почетнай Грамотатынан, Партия РК Почетнай Грамотатынан, Райсовет Почетнай Грамотатынан, Махтал Суруктарынан наҕараадаламмыта.