Павлов Клим Васильевич
Павлов Клим Васильевич, (1942 с. алтынньы 5 күнэ, Сиэйэ нэһилиэгэ, Сунтаар улууһа, Саха АССР), Российскай Федерация үтүөлээх учуутала, Үлэ Кыһыл Знамята уордьан кавалера, Сунтаар улууһун Бочуоттаах олохтооҕо.
Олоҕун олуктара уларыт
1942 с. алтынньы 5 күнүгэр Сунтаар оройуонун Сиэйэ нэһилиэгин Түбэйигэр төрөөбүтэ[1]
Орто оскуоланы туйгуннук бүтэрэн, Элгээйи спортивнай саалатыгар дириэктэринэн үлэлээбитэ. Үлэлиир сылларыгар ыччат ортотугар саха национальнай спордун көрүҥнэригэр ыччаты тардыыга күүскэ үлэлэспитэ. Спорт араас секцияларыгар элбэх ыччат дьарыктаммыта. Клим Васильевич ыччаты спортка тардыыга опыта «Сибиир норуоттарыгар үгэс буолбут иитии көрүҥнэрэ» диэн научнай кинигэҕэ сырдатыллыбыта.
1986 с. Саха государственнай университетын бүтэрбитэ, географ идэтин ылан, үлэлээн барбыта. Нөҥүө сылыгар салайар үлэҕэ дьоҕурдаах каадыры Элгээйи орто оскуолатын дириэктэринэн анаабыттара. Саҥа дириэктэр оскуола үлэтин XXI үйэ ирдиир саҥа хайысхаларынан научнайдык тэрийиигэ педколлективы түмэн, билигин Элгээйигэ үөрэтии-иитии саҥа көрүҥэ «Оҕо саад-оскуолата» диэн саҥа структура үлэлии олорор: 6 сыллаах 1 сүһүөхтээх элитарнай оскуола, 3 сыллаах сүрүн 2 сүһүөхтээх оскуола уонна чопчу сыаллаах программалаах 3 сүһүөхтээх оскуола. 1996 сылтан бу оскуола российскай уонна өрөспүүбүлүкэтээҕи экспериментальнай площадканан билиниллэр. Бу саҥа хайысхалаах оскуола научнай уонна философскай төрүттэрин сүрүн хайысхаларын Клим Васильевич кандидатскай минимум быһыытынан педагогическай наукалар Академияларыгар көмүскээбитэ билигин оскуола үлэтигэр сүрүн хайысха буолан үлэлии олорор.
Павлов К.В. 10-тан тахса научнай үлэлэр ааптардара, аан дойду уонна российскай симпозиумнарга, конференцияларга элбэх төгүл научнай-методическай дакылааттарынан кытынна.
Павлов К.В. саҥа ньымалары оскуола үлэтигэр хорсуннук киллэрии энтузиаһа. 2000 с. үөрэҕириигэ Россия үөрэхтээһинин лидерэ, Сорос пуондатын бириэмийэтин лауреата[2].
Наҕараадалара уонна ытык ааттара уларыт
- Российскай Федерация үтүөлээх учуутала – Элгээйи орто оскуолатын дириэктэрэ - 1995 с.
- Саха Өрөспүүбүлэкэтин учууталларын учуутала – Элгээйи орто оскуолата.
- Сунтаар улууһун бочуоттаах олохтооҕо.
- Үлэ Кыһыл Знамята уордьан кавалера [3].
Суруйуулара, кинигэлэрэ уларыт
1. Теоретические предпосылки и практика ноосферно-экологического образования учащихся сельской национальной школы: (на материале Респ. Саха (Якутия)) : специальность 13.00.01 "Общ. педагогика, история педагогики и образования": автореф. дис. на соиск. учен. степ. канд. пед. наук / Павлов Клим Васильевич ; [Якут. гос. ун-т им. М. К. Аммосова]. - Якутск, 2002. - 20 с.
2. Аналитика (yak). Павлов К. В., Балтым туһунан иһирэхтик. [норуоттар икки ардыларынааҕы суруйааччылар сойуустарын холбоһугун чилиэнэ, СР суруйааччыларын сойууһун чилиэнэ Александра Михайловна Григорьева-Сандаарыйа 65 сааһыгар] - : , //Сунтаар сонуннара. . - 2020. - Балаҕан ыйын 8 күнэ (N 68)-С. 3;
Источник записи: Сунтарская ЦБС
3. Аналитика (yak). Корякина А., Павлов Клим Васильевич - директор Эльгяйской авторской школы. [заслуженный учитель школы РСФСР, награжден орденом Трудового Красного Знамени, кандидат педагогических наук, член-корреспондент Академии педагогических и социальных наук, почетный гражданин Сунтарского улуса] - : , //Сунтаар сонуннара. . - 2020. - Сэтинньи 24 күнэ (N 90)-С. 6;
Источник записи: Сунтарская ЦБС
Быһаарыылар уларыт
- ↑ Педагогическая энциклопедия / М-во образования Респ. Саха (Якутия) ; [науч. ред.: Михайлова М. Г. д.п.н., проф ЯГУ, Петрова С. М. д.п.н., проф. ЯГУ; сост. Иванова В. С.]. - Якутск, Т. 1. - 2000. - 323 с.
- ↑ Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020. – Х с.
- ↑ Сунтаар улууһугар үөрэҕирии сайдыыта / [хомуйан оҥорон бэчээккэ бэлэмнээтилэр: И.Т.Назаров, Н.И.Алексеев; эппиэттиир ред. М.И.Аввакумова]. – Дьокуускай : Бичик, 2009. – 272 с.